Тошкент шаҳри ва унинг молиявий муассасалари пенсия, нафақа пуллар ва маошларни нақд пул билан тўлаш бўйича барча харажатларни қоплашни таъминлашга тайёр ва буни бамайлихотир қила олади, деб айтди Тошкент ҳокими биринчи ўринбосари Нозим Ҳусанов. Бу ҳақда Кун.уз ёзмоқда.
Унинг айтишича, бунинг учун муайян ишлар олиб борилмоқда. Жумладан, савдо, умумий овқатланиш ва хизмат кўрсатиш корхонларидан тижорат банкларига нақд пул маблағларининг ўз вақтида ва тўлиқ ҳажмда келиб тушиши учун Тошкентда давлат солиқ идоралари ва банклар ходимларининг махсус тадбирлари ўтказилмоқда.
Шунингдек, бутун тушумни унинг шаклидан қатъий назар, банкка топширишлари кераклиги ҳақида тадбиркорлар ўртасида тушунтириш ишлари олиб борилмоқда. Бундан ташқари, тизим яхши ишлаши учун шаҳар ҳокимияти харидорларнинг ўзлари ҳам харид қилинган маҳсулот учун сотувчилардан чек беришларини талаб қилишларини сўрамоқда.
Ҳусановнинг айтишича, Тошкент банкларига пенсия ва нафақаларни нақд пул кўринишида тўлаш учун ҳар ой 167,7 млрд сўм керак бўлади. Бу пулларни Тошкентда яшаётган 274,8 минг пенсионер олади.
Маълум қилинишича, бюджет соҳасида фаолият юритувчи ишчилар, яъни ўқитувчилар, тиббий ходимлар ва бошқа бир қатор ишчиларнинг ойлик маошларини тўлаш учун ҳар ой 193,9 млрд сўм нақд пул ажратилади. Кўп фарзандли ва кам таъминланган оилаларга ижтимоий нафақаларни тўлаш учун ҳар ой 7,9 млрд сўм керак бўлади.
Бу чоралар Ўзбекистон Президенти Шавкат Мирзиёев томонидан яқинда имзоланган қарор доирасида кўзда тутилган. Бу қарорга кўра, Ўзбекистон бўйича пенсияларнинг барча турларини тўлаш тўлиқ ҳажмда нақд пулларда, ҳеч қандай чекловларсиз амалга оширилиши лозим. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Россия қўшинлари Авдеевкадаги иккита қишлоқни эгаллаб олди
Эрдўғон террорчилар ҳақида кескин гапирди
Эммануэл Макрон: “Украина тез орада қулаши мумкин”
«Крокус»даги ҳужум бўйича саккизинчи айбланувчининг исми ошкор қилинди
Терактдан кейин Россиядаги Тожикистон фуқаролари нафрат ва тажовузга дучор бўлмоқда
Россиянинг ҳарбий операциядаги манёври Украинани ҳайратга солди
Россиялик терговчилар терактда айбланаётганлар оиласини сўроқ қилиш учун Тожикистонга келди
Россия Ғазога 29 тоннадан ортиқ инсонпарварлик ёрдами жўнатди