Энергетик ичимликларни ишлаб чиқариш ва сотишни тақиқлаш таклиф қилинди

1 дақиқа ўқиш9
Энергетик ичимликларни ишлаб чиқариш ва сотишни тақиқлаш таклиф қилинди
ҚисқачаAI ёрдамида тайёрланганКўрсатиш
  • Қозоғистонда «Оталар иттифоқи» жамоат бирлашмаси энергетик ичимликларни ишлаб чиқариш, импорт қилиш ва сотишни бутунлай тақиқлаш бўйича ташаббус билан чиқди.
  • Ташкилот вакиллари ушбу маҳсулотларнинг инсон саломатлигига, хусусан, қон босими ва уйқу сифатига салбий таъсир кўрсатишини ҳамда қарамликни келтириб чиқаришини таъкидламоқда.

Қозоғистонда энергетик ичимликларни ишлаб чиқариш, импорт қилиш ва сотишни бутунлай тақиқлаш таклиф этилди. Бу ташаббус билан «Оталар иттифоқи» жамоат бирлашмаси чиқди. Бу ҳақда NUR.KZ хабар берди.

Ташкилот вакиллари 21 ёшга тўлмаган шахсларга энергетик ичимликлар сотишни тақиқлашнинг ўзи етарли эмас, деб ҳисобламоқда. Шу сабабли улар маҳсулот ишлаб чиқариш, тижорат мақсадида олиб кириш, улгуржи ва чакана савдони, шунингдек, интернет-дўконлар ҳамда етказиб бериш хизматлари орқали тарқатишни ҳам тақиқлашни таклиф қилган.

Петиция муаллифлари ўз ташаббусини энергетик ичимликларнинг соғлиққа эҳтимолий салбий таъсири билан изоҳлаган. Уларнинг фикрича, бундай ичимликлар қон босимига таъсир қилиши, таркибидаги шакар миқдори юқорилиги, шакарсиз турларидаги ширинлаштирувчи моддалар эса саломатлик учун хавф туғдириши мумкин.

Шунингдек, бирлашма вакиллари катталарнинг чарчоқ ва уйқусизликни енгиш мақсадида энергетик ичимликларни мунтазам истеъмол қилиши оқибатида уйқу билан боғлиқ муаммолар ва ичимликка қарамлик юзага келиши мумкинлигини таъкидлаган.

Петицияда энергетик ичимликлар рекламаси, уларни бепул тарқатиш ва ижтимоий тармоқлар орқали тарғиб қилишни ҳам тақиқлаш таклиф этилган. Бундан ташқари, маҳсулот номини ўзгартириш орқали тақиқни четлаб ўтишнинг олдини олиш, ноқонуний савдо учун жавобгарлик белгилаш ҳамда ишлаб чиқарувчи, импорт қилувчи ва сотувчилар фаолияти устидан назорат ўрнатиш сўралган.

Ташаббус расмий петициялар порталида 2026 йил 18 ноябрь куни эълон қилинган ва Соғлиқни сақлаш вазирлигига йўлланган. Петицияни кўриб чиқиш учун 50 мингта имзо тўплаш талаб этилади.

Қайд этиш жоизки, бу ҳозирча жамоат бирлашмасининг таклифи бўлиб, энергетик ичимликларни тўлиқ тақиқлаш ҳақида қарор қабул қилинмаган.

Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?