Ўзбекистон Республикаси Марказий банки 2026 йил 29 апрель санасидан бошлаб амал қиладиган хорижий валюталарнинг сўмга нисбатан янги қийматларини эълон қилди. Унга кўра, асосий валюта бирликларининг барчасида пасайиш тенденцияси кузатилди.
АҚШ доллари курси 43,76 сўмга арзонлашиб, 12 029,20 сўмни ташкил этди. Евро курси эса кескинроқ пасайиш кўрсатиб, 111,54 сўмга камайди ва 14 065,74 сўм этиб белгиланди.
Россия рубли 0,91 сўмга пасайиб, 160,26 сўмга тушди. Буюк Британия фунт стерлинги 131,48 сўмга арзонлашиб, 16 228,59 сўм қийматида қайд этилди.
Швейтсария франки энг катта пасайишни қайд этди — валюта 164,53 сўмга арзонлашиб, 15 228,76 сўмга тенг бўлди. Хитой юани 1 759,48 сўм (9,89 сўмга пасайиш), Япония иенаси эса 75,38 сўм (0,44 сўмга пасайиш) қийматида баҳоланмоқда.
“Zamin”ни Telegram'да ўқинг!
