13:32 / 04.01.2018
6 022

1 январдан​ валютага оид мажбурий декларация тақдим этиш тартиби бекор қилинди

1 январдан​ валютага оид мажбурий декларация тақдим этиш тартиби бекор қилинди
Ўзбекистон Республикаси Президенти томонидан 2017 йил 6 декабрда «Жисмоний шахслар томонидан нақд хорижий валютани олиб кириш ва олиб чиқиб кетиш тартибини янада соддалаштириш чора-тадбирлари тўғрисида» ПФ-5276 сонли Фармони қабул қилинганди. Фармонга асосан, 2018 йил 1 январдан бошлаб жисмоний шахслар томонидан эквиваленти 2 000 АҚШ долларига тенг ёки ундан ошмайдиган миқдордаги нақд хорижий валютани Ўзбекистонга олиб кириш ёки Ўзбекистондан олиб чиқиб кетишда ёзма равишда мажбурий декларация тақдим этиш тартиби бекор қилинди.

Шунингдек, жисмоний шахслар томонидан нақд хорижий валютани Ўзбекистондан ташқарига олиб чиқиб кетиш эквивалентда 5 000 (беш минг) АҚШ долларига тенг ёки ундан ошмайдиган сумма доирасида ҳеч қандай рухсатномаларсиз амалга оширилиши белгилаб қўйилди.

Ўзбекистон Республикаси Давлат Божхона қўмитаси тарқатган хабарга кўра, рухсат этилган суммадан ошиқ маблағни мамлакат ҳудудидан олиб чиқиш учун Марказий Банк рухсатномаси талаб этилади. Белгиланган суммадан ортиқча маблағни олиб чиқиб кетиш:

резидентлар томонидан – Ўзбекистон Республикаси Марказий банкининг рухсатномаси асосида;

норезидентлар томонидан – Ўзбекистон Республикасига кириш чоғида тўлдирилган йўловчи божхона декларацияси асосида амалга оширилади, декларацияда нақд хорижий валюта суммаси олиб чиқиб кетиладиган нақд хорижий валюта суммасидан кам бўлмаган миқдорда кўрсатилади.

Норезидентлар – республикада белгиланган тартибда ташкил қилинган мусобақалар, танлов ва олимпиадаларнинг совриндорлари ёки қатнашчилари томонидан белгиланган суммадан ортиқча нақд хорижий валюта олиб чиқиб кетилаётганда нақд хорижий валюта олинганлигининг қонунийлигини тасдиқловчи ҳужжат улар томонидан ушбу нақд хорижий валютани олиб чиқиб кетиш учун асос бўлади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Иқтисодиёт » 1 январдан​ валютага оид мажбурий декларация тақдим этиш тартиби бекор қилинди