06:00 / 08.06.2018
3 543

WhatsApp асосчилари Facebook’нинг 1,3 млрд долларлик акцияларидан маҳрум бўлишди

WhatsApp асосчилари Facebook’нинг 1,3 млрд долларлик акцияларидан маҳрум бўлишди
WhatsApp асосчилари Ян Кум ва Брайан Эктон Facebook’ни тарк этганларидан кейин компаниянинг 1,3 млрд долларлик акциялари пакетини қўлдан чиқаришди. Бундан The Wall Street Journal нашри журналистлари хабар топишган.

Компанияни 2018 йил май ойида ва 2017 йил сентябрда тарк этган Кум ва Эктон 1,3 млрд доллар миқдоридаги мукофот пулидан айрилишган. Кум компаниянинг 400 млн долларлик, Эктон эса 900 млн долларлик акцияларини олишлари мумкин эди. Шартномага кўра агар мутахассислар компанияда 2018 йил ноябригача ишлаб берганларида ушбу акцияларни олишарди.

Маълум қилинишича, Кум ва Эктон Цукерберг компаниясини раҳбарият билан келишмовчилик сабабли тарк этишган. Бунга эса улар WhatsApp ишлай бошлагандан бери мессенжерда реклама бўлмаслиги ғоясини билдиришгани сабаб бўлган. Рекламавий интеграциялар ҳисобига ишловчи ижтимоий тармоқ бунга рози бўлмаган.

“Фейсбук”даги манбаларнинг маълум қилишича, Кум ва Эктон компаниядаги тартибдан норози бўлган. Мисол учун, шовқин, кичик ишчи столлар ва ноқулай курсилар уларнинг асабига теккан.

WhatsApp 2014 йил октябрда “Фейсбук” назоратига ўтган. Facebook мессенжер учун 16 млрд доллар тўлаган.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Иқтисодиёт » WhatsApp асосчилари Facebook’нинг 1,3 млрд долларлик акцияларидан маҳрум бўлишди