ҲУМО миллий тўлов тизими имкониятлари қандай кенгайтирилади?

  • 29 март 2019, 07:34
  • 473
  • Иқтисодиёт
  • ҲУМО миллий тўлов тизими имкониятлари қандай кенгайтирилади?
    Кеча Марказий банкда “MasterCard Europe” вакиллари билан учрашув бўлиб ўтди. Бу ҳақда МБ матбуот хизмати хабар берди.

    Мулоқот чоғида томонлар Ўзбекистон Республикасида нақд пулсиз тўловларни ривожлантириш доирасида ўзаро ҳамкорлик, шунингдек, халқаро тўлов карталаридан фойдаланишни таъминлаш мақсадида “ҲУМО” миллий тўлов тизимининг имкониятларини кенгайтириш масалаларини муҳокама қилдилар.

    Якунда Марказий банк ва MasterCard Europe ўртасида чора-тадбирлар протоколи имзоланди.

    Мазкур ҳужжатда ўзаро алоқаларни ва ҳамкорликни кенгайтиришнинг устувор йўналишлари ўз ифодасини топдим. ҲУМО тўлов тизими тармоғида тўлов воситаларини қабул қилиш соҳаси ва инфратузилмасини ривожлантириш, яратилган тўлов инфратузилмасида MasterCard карталарининг фойдаланиш имкониятларини кенгайтириш, Ўзбекистон Республикаси аҳолисининг молиявий саводхонлигини ошириш бўйича биргаликда тадбирлар ўтказиш шулар жумласидандир.

    Музокараларда ҳар икки тараф ҳам фуқароларимизнинг халқаро ҳисоб-китобларни амалга оширишда MasterCard тўлов воситаларидан фойдаланган ҳолда ҲУМО тўлов карталари имкониятларини кенгайтириш истагида эканлигини билдиришди.

    » » ҲУМО миллий тўлов тизими имкониятлари қандай кенгайтирилади?