Норматив-ҳуқуқий ҳужжатлар лойиҳалари муҳокамаси порталида “Электрон тижорат тўғрисида”ги Ўзбекистон Республикаси Қонунига ўзгартириш ва қўшимчалар киритиш тўғрисида”ги қонун лойиҳаси эълон қилинди.
Ҳужжат билан Ўзбекистон Республикасининг 2004 йил 29 апрелда қабул қилинган “Электрон тижорат тўғрисида”ги 613–II-сон Қонунига ўзгартиш ва қўшимчалар киритилиб, унинг янги таҳрири тасдиқланиши мумкин.
Қуйидагилар электрон тижоратнинг асосий принциплари ҳисобланади:
- электрон тижоратда тадбиркорлик фаолиятини амалга ошириш эркинлиги;
- электрон тижоратда битимлар тузишнинг ихтиёрийлиги;
- электрон тижоратда иштирок этиш шароитларининг тенглиги;
- электрон тижорат субъектларининг ҳуқуқлари ва қонуний манфаатларини ҳимоя қилиш;
- ҳужжатларни, шу жумладан электрон ҳужжатларни (хабарларни) бир хиллаштириш;
- ахборот хавфсизлигини таъминлаш;
- товарларнинг (ишлар ва хизматлар), тегишли сифатини таъминлаш;
- электрон тижорат соҳасидаги очиқлик, шаффофлик ва аниқлик.
Электрон тижорат иштирокчиси Ўзбекистон Республикаси қонун ҳужжатларига мувофиқ электрон тижорат соҳасидаги фаолиятнинг исталган турлари билан шуғулланиши мумкин.
Электрон тижорат иштирокчиси тадбиркорлик фаолиятини амалга оширишда, шу жумладан ахборот тизимлари, коммуникация технологиялари, электрон тўловлар тизимлари, сотиладиган маҳсулот (ишлар, хизматлар) турларини танлашда, унинг нархини ва сотиш йўналишларини белгилашда, шунингдек, товарлар (ишлар, хизматлар) учун тўлов шаклларини танлашида давлат органлари ва улар мансабдор шахсларининг аралашувига йўл қўйилмайди, Ўзбекистон Республикаси қонун ҳужжатларида назарда тутилган ҳолатлар бундан мустасно.
Электрон тижоратда битимлар ихтиёрий асосда тузилади.
Электрон битим шартлари томонларнинг хоҳишига кўра белгиланади, тегишли шартнинг мазмуни Ўзбекистон Республикаси қонун ҳужжатларида кўзда тутилган ҳоллар бундан мустасно.
Электрон тижорат иштирокчилари ва давлат органлари электрон тижоратнинг барча иштирокчилари учун хизматлардан тенг фойдаланиш шароитларини яратишга мажбур.
Электрон тижоратда фойдаланиладиган ҳужжатлар ўзаро бир хиллаштирилиши керак.
Ҳужжатларни бир хиллаштириш электрон тижорат соҳасидаги ваколатланган орган томонидан давлат органлари билан биргаликда, электрон ҳужжатлар (хабарлар) билан ўзаро алмашиш, уларни қайта ишлаш ва сақлаш шакллари, стандартлари, техник йўриқномалари ва тавсиялари, тартиби ёки регламентини белгилаш усули ёрдамида амалга оширилади.
Электрон тижорат иштирокчилари ўзаро келишув асосида ўзларига тегишли ҳужжатлар шаклларидан фойдаланишлари мумкин, агар бу ваколатланган орган томонидан белгиланган ҳужжатларни бир хиллаштириш методларига ва Ўзбекистон Республикаси қонун ҳужжатлари билан белгиланган нормаларга зид бўлмаса.
Электрон тижорат соҳасидаги давлат сиёсати электрон тижоратни ривожлантиришнинг ҳуқуқий, иқтисодий, ташкилий, техник ва бошқа шарт-шароитларини яратишга йўналтирилган.
Қуйидагилар электрон тижорат соҳасидаги давлат сиёсатининг асосий йўналишлари ҳисобланади:
- электрон тижорат соҳасидаги тадбиркорлик фаолиятини қўллаб-қувватлаш ва рағбатлантириш;
- бизнесни инновацион ривожлантириш учун қулай муҳитни яратиш, электрон тижоратни ривожлантириш учун зарур техник ва логистик инфратузилмани шакллантириш;
- электрон тижорат соҳасини ривожлантириш мақсадида инвестициялар, замонавий технологиялар ва ускуналарни жалб қилиш учун қулай шароитларни яратиш;
- электрон тижорат иштирокчилари ўзаро ҳамкорлигининг янги ва самарали шаклларини рағбатлантириш, замонавий бизнес-моделларни жорий этиш;
- электрон тижорат операцияларини ҳимоя қилиш, ишончлилигини ва хавфсизлигини таъминлашда электрон тижорат иштирокчиларига ёрдам кўрсатиш чораларини кўриш;
- тадбиркорлик фаолияти субъектларини уларнинг электрон тижорат соҳасидаги фаолияти учун зарур бўлган ҳуқуқий, иқтисодий, статистик, ишлаб чиқариш-технологик, илмий-техник ва бошқа ахборот билан таъминлаш;
- истеъмолчилар ҳуқуқларини ва электрон тижорат субъектлари манфаатларининг ҳимоя қилинишини таъминлаш;
- электрон тижорат соҳасидаги кадрларни тайёрлаш, қайта тайёрлаш ва уларнинг малакасини ошириш, илмий-техник тадқиқотларни рағбатлантириш;
- электрон тижорат соҳасида халқаро ҳамкорлик қилиш, электрон тижоратдан фойдаланган ҳолда мамлакатнинг экспорт салоҳиятини ошириш.
Ўзбекистон Республикаси Президенти ҳузуридаги Лойиҳа бошқаруви миллий агентлиги электрон тижорат соҳасидаги ваколатли орган ҳисобланади.
Ваколатли орган:
- электрон тижорат соҳасида давлат сиёсатининг амалга оширилишини таъминлайди;
- электрон тижорат соҳасида давлат дастурларини шакллантиради ва амалга оширади;
- электрон тижорат соҳасидаги стандартлар, нормалар ва қоидаларни ишлаб чиқади ва тасдиқлайди;
- электрон тижоратни комплекс ривожлантиришни таъминлаш доирасида давлат ва хўжалик бошқаруви органлари фаолиятини мувофиқлаштиради;
- манфаатдор давлат органлари билан биргаликда электрон тижорат соҳасидаги ҳужжатларни бир хиллаштириш чораларини кўради;
- электрон тижоратни ривожлантириш учун шароитларни яратиш бўйича таклифлар ишлаб чиқади;
- электрон тижорат иштирокчиларининг ҳуқуқ ва қонуний манфаатларини ҳимоя қилиш бўйича чоралар кўради;
- электрон тижорат соҳасини инновацион ривожлантириш эҳтиёжларини ҳисобга олган ҳолда, ходимларнинг малакасини ошириш тизимини шакллантиришда иштирок этади;
- электрон тижорат тўғрисидаги қонун ҳужжатларини такомиллаштириш бўйича таклифлар ишлаб чиқади;
- аҳолининг ижтимоий ҳимояга муҳтож қатламлари учун сервисларни яратиш мақсадида бизнес-операторлар учун тавсиялар ишлаб чиқади;
- электрон тижорат соҳасида замонавий инновацион технологиялар, ахборот тизимлари ва ахборот ресурсларини жорий этиш, ривожлантириш ва интеграциялашувига кўмаклашади;
- электрон тижорат субъектларига хизмат кўрсатиш мақсадида логистика инфратузилмасини ривожлантириш чораларини кўради;
- манфаатдор ташкилотлар билан биргаликда электрон тижорат соҳасида электрон тўловларнинг самарали усуллари ва тизимларини жорий қилиш ва оммалаштириш чораларини кўради;
- манфаатдор вазирлик ва идоралар билан биргаликда трансчегаравий электрон тижоратни ривожлантириш чораларини кўради;
- электрон тижоратни, шу жумладан трансчегаравий электрон тижоратни ривожлантириш мақсадида халқаро ташкилотлар билан ҳамкорликни ўрнатади;
- халқаро электрон тижорат алмашинувини, турли мамлакатлар ёки минтақалар билан ҳамкорлик қилиш, трансчегаравий электрон тижоратнинг халқаро қоидаларини ишлаб чиқишда иштирок этади ва электрон имзоларни халқаро эътироф этишга ёрдам беради;
- электрон тижорат доирасида амалга оширилган транзакциялар ва битимлар тўғрисидаги ўрнатилган тартибда олинган умумлаштирилган ахборотни эълон қилади;
- манфаатдор вазирликлар ва идоралар билан биргаликда электрон тижорат соҳасида тадқиқот ва мониторингни ташкил этади, электрон тижорат ҳажмларини ҳисобга олишни ташкил этиш чора-тадбирларини кўради;
- электрон тижоратда сотишда муомаладан чиқарилган ёки муомаласи чекланган товарлар (ишлар, хизматлар) рўйхатини тасдиқлайди. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Мeтаболизм секинлашганининг белгилари
2026 йилда бўлажак мундиалнинг фаворитлари рейтинги тақдим этилди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
Италия суди Қуддус Исроил пойтахти эмаслиги ҳақида қарор чиқарди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
