18 январь куни Тошкент шаҳрида Тадбиркорлар ва ишбилармонлар ҳаракати - Ўзбекистон Либерал-демократик партияси сиёсий кенгашининг мажлиси ўтказилди.
Унда бош вазир лавозимига номзод Абдулла Арипов ҳукуматнинг яқин муддатга ва узоқ истиқболга мўлжалланган Ҳаракатлар дастурини тақдим этди.
Хусусан, 2020 йилда ҳам макроиқтисодий барқарорликни таъминлаш, иқтисодиётни, энг аввало, унинг базавий тармоқларини жадал ривожлантириш, фаол инвестиция ва ташқи иқтисодий сиёсатни амалга ошириш ҳукумат олдида турган энг муҳим вазифалардан бири ҳисобланади.
«Жорий йилда иқтисодиётда саноат маҳсулотлари ишлаб чиқариш ҳажми 6.5 фоизга, қурилиш ишлари 9.3 фоиз, қишлоқ хўжалиги маҳсулотлари 4 ва хизматлар кўрсатишни 5.7 фоизга ошириш ҳисобига ялпи ички маҳсулот 5.5 фоизга ўсишини таъминлаш чоралари кўрилади.
Шунингдек, 2020 йилда ялпи ички маҳсулот таркибида саноатнинг улуши 30.3 фоиз, инвестицияларнинг улуши эса 34.4 фоизга етказилади.
Макроиқтисодий ўсиш кўрсаткичлари ўтган йилга нисбатан паст бўлмаслиги тўлиқ таъминланади», деди Арипов.
Ҳукуматнинг ҳаракатлар дастурида шунингдек, банк-молия тизимини ислоҳ қилиш режалари ҳам ўрин олган. Унга кўра, Жаҳон банки экспертлари билан биргаликда банк соҳасини ривожлантиришнинг узоқ муддатли стратегияси ҳамда пул-кредит сиёсатини ривожлантириш, валютани тартибга солишнинг барқаpор механизмларини жорий қилиш, миллий валюта барқарорлигини таъминлаш мақсадида республикада валюта бозорини янада ривожлантириш стратегияси ишлаб чиқилади.
Абдулла Арипов йиғилиш давомида ички бозорни маҳаллий истеъмол товарлари билан тўлдириш ҳамда инфляция даражасини юқори бўлмаган суръатда ушлаб қолишга эътибор қаратилиши ҳақида ҳам гапирди.
Унг кўра, «2021 йилда инфляция даражасини 11 фоиз, 2022 йилда эса 10 фоиздан паст бўлган даражада сақлаб туриш чоралари кўрилади», - деди Абдулла Арипов. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Шавкат Мирзиёев Россия бош прокурори билан учрашув ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
2026 йилда бўлажак мундиалнинг фаворитлари рейтинги тақдим этилди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Италия суди Қуддус Исроил пойтахти эмаслиги ҳақида қарор чиқарди
Халқаро жиноят судининг ордери Исроилни нега қўрқитяпти?
Ҳар пайшанба жисмоний тарбия ва спорт куни сифатида белгиланади
