Марказий банк раҳбари пандемияда аҳоли ва банк муносабатларидаги рискларга тўхталиб ўтди. МБ кредитларнинг қайтиши бўйича турли сценарийлар ишлаб чиққан.
Марказий банк бошқарув раиси Мамаризо Нурмуродов пандемияга қадар ҳукуматнинг иқтисодий-молиявий блоки раҳбарлари кутилаётган хавфга тайёргарлик кўрганини билдирди.
"Биз маълум жиҳатдан тайёргарлик бошлагандик. Бу бало бошқа давлат орқали бизга таъсир қилади, деган ўй билан давлат раҳбари ташқи иқтисодий фаолиятимиз ва ички ишлаб чиқариш, банк фаолиятига салбий таъсирини ўрганиш топшириғини берганди. Уларнинг салбий таъсирини турли стресс тест моделларидан ўтказиш ишлари бажарилган", - дейди у.
Раиснинг айтишича, иқтисодиёт коллапсга тушиб қолмаслиги бўйича хўжалик субъектлар ва банклар билан алоқада бўлган аҳолига пандемия шароитида маълум бир қарз юкламаси таъсирини камайтириш масаласига асосий урғу қўйилди.
"Дастлабки ҳисобда, барча қарздор кредит олувчиларнинг 55 фоизи қамраб олинган ҳолда, 19,6 триллион сўм қайтарилиши кечиктирилиши белгиланди. Ушбу ҳисобда аҳолининг 76 фоизи октябрга қадар қарзини узиши назарда тутилганди. Бевосита кредит муддати узайтирилган маблағлар 22,5 триллион сўмни ташкил этди", - деди у.
Иккинчи асосий йўналиш эса иқтисодиётдаги занжирбанд ишлаб чиқаришнинг талафотсиз шу даврдан ўтишини таъминлашдир.
"Узоқ муддатли лойиҳаларни молиялаш масаласида ишлаб чиқаришни узлуксиз давом этишини таъминлаш билан қопланиши, бу мақсадда 46 триллион сўм йўналтирилиши кўзда тутилган. Иш ҳақи, хом-ашё учун револьвер кредит бериш режалаштирилган. Бу қисқа муддатли ва керакли маблағларни қарзга олишдир", - дея қўшимча қилди у.
Таъкидланишича, 46 триллион сўм ҳажмдаги ажратилган револьвер кредитлар учун гаров ёки кафолат таъминотининг фақат 25 фоизи қарз олувчи томонидан кўрсатилади. Унинг 75 фоизи давлат томонидан кафолатланади. Яъни револьвер кредит қайтарилмаган тақдирда, сумманинг 75 фоизи давлат томонидан қопланади. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Самарқандда ҳайдовчидан пора сўраган ЙПХ ходимлари ишдан бўшатилди
Тошкентда вояга етмаган қизга шилқимлик қилган йигитга суд ҳукми ўқилди
Германияда Геббелснинг вилласи исталган одамга бериб юборилиши эълон қилинди
U-23 Осиё кубоги. Ироқ 3-ўринни ва Париж Олимпиадаси йўлланмасини қўлга киритди
“От айланиб қозиғини топади” дейишарди, мен “қозиғимни” тополмадим (Ҳаётий ҳикоя)
Индонезия устидан иродали ғалабани қўлга киритган Ироқ Олимпиада лицензиясига эга чиқди (видео)
Сурхондарёда дунёдаги энг катта сўзана тикилди
АҚШда оғир-босиқлиги билан машҳур бўлган аллигатор ўғирлаб кетилди (фото)
