Марказий банк маълумотига кўра, Ўзбекистонда кредит ва хорижий валютага бўлган талаб босқичма-босқич тикланиб бормоқда.
2021 йил январь—февраль ойларида тижорат банклари томонидан ажратилган кредитлар ҳажми 18,8 триллион сўмни ташкил этди (2020 йилнинг шу даврида 18,7 триллион сўм бўлган). Хорижий валюта хариди 1,72 миллиард долларни ташкил этиб, қарийб карантиндан олдинги давр кўрсаткичи (1,77 миллиард доллар)га тенг бўлди.
Февраль ойида товар-хом ашё биржасидаги умумий айланма январь ойига нисбатан 26,5 фоизга ва 2020 йилнинг мос ойига нисбатан 1,6 баробарга кўпайди. Банклараро тўлов тизими орқали амалга оширилган транзакцияларнинг умумий сони ҳам февраль ойида январь ойига нисбатан 19,6 фоизга ошди.
Ташқи талабнинг тикланиб бориши шароитида январь—февраль ойларида экспорт тушумлари (олтинни ҳисобга олмаганда) 2020 йилнинг мос даврига нисбатан 8 фоизга ўсиб, 1,4 миллиар долларга етди. Бунда, февраль ойида экпортдан тушумлар 743 миллион долларни ташкил этиб, январь ойига нисбатан 13 фоизга ўсди.
Трансчегаравий пул ўтказмалари бўйича тушумлар январь—февраль ойларида 892 миллион долларни ташкил этди — бу 2020 йилнинг шу даврига нисбатан 14 фоизга кўп.
Қайд этилишича, ушбу омиллар ички валюта бозорида таклифни қўллаб-қувватлашга хизмат қилди ва натижада миллий валюта алмашув курси нисбатан барқарор шаклланиб, 2021 йил 1 март ҳолатига девальвация даражаси йил бошига нисбатан 0,6 фоизни ташкил этди. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Халқаро жиноят суди Исроил бош вазири Нетаньяхуни ҳибсга олишга ордер берди
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Зеленский Путин борасида баёнот берди: “Тинчликни истаганлар юзига тупурмоқда”
Диний қўмита Умра зиёратини ташкил қилиш учун 12 та турфирмага лицензия берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Путин Украинадаги объектга баллистик ракета зарбаси берилганини эълон қилди
