Грин-картанинг 2025 йилги мавсуми учун аризалар қабул қилиш бошланди

Кеча, 4 октябр куни АҚШнинг миллий хилма-хиллик виза дастури – Diversity Visa лотереясининг 2025 йилги мавсуми учун аризалар қабул қилиш бошланди.

Талабгорлар 7 ноябр Тошкент вақти билан соат 21:00 га қадар dvprogram.state.gov сайти орқали бепул тарзда анкета тўлдириб, ариза йўллаши мумкин.

Дастур АҚШга тарихан миграция кўрсаткичлари кам бўлган халқлар вакилларига ушбу мамлакатда доимий яшаш ҳуқуқини бериш мақсадида йўлга қўйилган. Бу орқали Америка халқини ташкил этувчи миллатлар хилма-хиллигини ошириб бориш кўзда тутилган.

Дастур ғолиблари келаси йил май ойида, тасодифий компютер дастури ёрдамида танлаб олинади ва эълон қилинади.

Лотерея орқали ҳар йили дунё бўйлаб 55 минг кишига грин-карта берилади. Бироқ лотереяда бундан икки баробар кўп одам ғолиб деб топилади. Ғолиб бўлганларнинг бир қисми ҳужжатларидаги камчиликлар, суҳбатдан ўта олмагани ёки шунчаки виза тугаб қолгани учун грин-карта ололмайди.

Хусусан, жорий йилда DV-2023 дастури ғолиби бўлган ўзбекистонликлардан 3100 дан ортиғи виза учун суҳбатга киришга муваффақ бўлди. Грин-карта ютган ўзбекистонликлар сони эса 5 мингдан ортиқ бўлгани тахмин қилинади.

Шухрат Раззаков

«ЗАМИН.УЗ» муҳаррири

Мавзуга оид янгиликлар

Тадқиқот: Аёллар дўстларини танлашда ҳидга аҳамият беради

Бугун, 15:33

Италия бош вазири Ўзбекистонга ташриф буюради: Самарқандда муҳим учрашувлар бўлиб ўтади

Бугун, 14:46

Ёзёвонда солиқ қарздорликлари ундирилмоқда

Бугун, 11:30

Биологик фаол қўшимчаларни божсиз олиб кириш чекланади

Бугун, 10:22

Тошкентдаги ташландиқ ҳудуд замонавий ва экологик боғга айлантирилади

Бугун, 09:27

Наманганда ўқувчи Spark’ни ижарага олиб ЙТҲга учради

Кеча, 21:37