Санэпидқўмита: “One Chip Challenge” чипсининг хавфсизлиги текширилмаган

^{Фото: Sarah Dussault/MediaNews Group/The Mercury News via Getty Images}
Ижтимоий тармоқларда ёшлар ўртасида “One Chip Challenge” чипсини истеъмол қилиш бўйича челленж бошлангани, бу эса саломатлик билан боғлиқ бир қанча кўнгилсиз ҳолатларга олиб келаётгани тўғрисида маълумотлар тарқалди. Санитария-эпидемиологик осойишталик ва жамоат саломатлиги қўмитаси ҳолатга муносабат билдирди.

“Фуқароларимизни “Ушбу маҳсулот Ўзбекистонга ҳам олиб келинганми?”, “Маҳсулотга Санэпидқўмита томонидан санитария-эпидемиологик хулоса берилганми?” деган саволлар келиб тушмоқда.

Санэпидқўмита томонидан “One Chip Challenge” маҳсулоти учун санитария-эпидемиологик хулоса берилмаганлигини, шу билан бирга ушбу маҳсулотга хулоса олиш бўйича тадбиркорлар томонидан мурожаат ҳам бўлмаганлигини маълум қиламиз”, дейилади муносабатда.

Санэпидқўмита фуқаролардан хавфсизлиги текширилмаган озиқ-овқат маҳсулотларини харид ва истеъмол қилмасликни сўраган. “Замин” янгиликларини “Youtube”да кузатиб боринг