Қизлар учун бепул СММ курсининг иккинчи тўлқинига аризалар қабул қилинмоқда

^{Фото: Илья Семендеев / Спот}
Хотин-қизлар учун бепул СММ курсининг иккинчи тўлқинига аризалар қабул қилинмоқда. Бу ҳақда Тошкент шаҳар ҳокимлигининг “Тошкент ёшларни севади” лойиҳаси каналида маълум қилинди.

2024-йилнинг октябр ойида лойиҳа доирасида пойтахт ҳокимлиги 1000 нафар қиз СММ бўйича бепул ўқитилишини маълум қилганди.

Биринчи мавсумда 500 нафар қиз курсларда бепул ўқитилиб, уларга сертификатлар топширилди. Лойиҳанинг иккинчи мавсумида кейинги 500 нафар қизни ўқитиш режалаштирилмоқда.

Унда Тошкент шаҳрида доимий истиқомат қилувчи, 30 ёшгача ҳамда вақтинча ишсиз бўлган қизлар иштирок этишлари мумкин.

Қабул қилинганларга яшаш ҳудудига яқин бўлган ўқув марказида қуйидагилар ўргатилади:

- ижтимоий тармоқларни юритиш;
- таргетинг ва мақсадли аудитория таҳлили;
- график контент яратиш;
- копирайтинг;
- мобилография;
- Б2Б сотувлар;
- шахсий бренд;
- портфолио яратиш ва бошқалар.

Бунинг учун номзодлар жорий йилнинг 5-февралигача @смактаббот Телеграм-боти орқали рўйхатдан ўтишлари керак. Батафсил маълумотларни ҳавола орқали олиш мумкин. “Замин” янгиликларини “Telegram”да кузатиб боринг