Сурхондарёда аёл 3 ёшли қизчани пичоқлаб ўлдирди

1-май куни Сурхондарё вилояти, Денов туманида руҳий касалликлар диспансерида рўйхатда турган аёл 3 ёшли қизчага ошхона пичоғи билан оғир тан жароҳатлари етказган, деб Uz24.uz хабар берди. Қизча шифохонага етказилган, аммо шифокорлар уни қутқаришга муваффақ бўлишмаган.

Бош прокуратура маълумотига кўра, гумонланувчи аёл процессуал тартибда қўлга олинган. Унга нисбатан Жиноят кодексининг 97-моддаси (қасддан одам ўлдириш) бўйича жиноят иши қўзғатилган.

Ҳозирда тергов ишлари олиб борилмоқда.