Ўзбекистонда 5 кун ичида 41724 киши муддатидан аввал овоз берди

Хабарингиз бор 4 декабр куни Ўзбекистон Республикаси Президенти сайлови ўтказилади. Айни куни сайловда иштирок этолмайдиган сайловчилар муддатидан олдин овоз бериш ҳуқуқига эга.

24 ноябрь куни Ўзбекистон Республикаси фуқаролари муддатидан олдин овоз беришни бошлагани ҳақида хабар берган эдик. Муддатидан аввал овоз бериш 2 декабрга қадар давом этади.

Ўзбекистон Республикаси Марказий сайлов комиссиясининг маълумот беришича, 28 ноябрь ҳолатига кўра жами 41 минг 724 нафар Ўзбекистон Республикаси фуқаролари муддатидан олдин овоз берган.

Қорақалпоғистон Республикаси – 3529 нафар;

Андижон вилояти – 4151 нафар;

Бухоро вилояти – 4858 нафар;

Жиззах вилояти – 754 нафар;

Навоий вилояти – 2521 нафар;

Наманган вилояти – 2393 нафар;

Самарқанд вилояти – 2315 нафар;

Сирдарё вилояти – 2089 нафар;

Сурхондарё вилояти – 1995 нафар;

Тошкент вилояти – 3724 нафар;

Фарғона вилояти – 3339 нафар;

Хоразм вилояти – 2746 нафар;

Қашқадарё вилояти – 3459 нафар;

Тошкент шаҳри – 3859 нафар.

Муддатидан аввал овоз берганлар сони шу кунгача Бухоро вилоятида юқори кўрсаткичга эга – 4858 нафар, энг кам кўрсаткичли вилоят эса Жиззах бўлиб турибди – 754 нафар.

Муддатидан аввал овоз бериш учун Ўзбекистон ркспубликаси фуқароларидан 4 декабрь куни бўлиб ўтадиган Президенти сайловида қатнаша олмаслиги юзасидан сабабларни келтирган ҳолда ёзма ариза билан ўз ҳудудидаги сайлов участкасига мурожаат қилиш талаб этилади.

Эслатиб ўтамиз, 2016 йилги Ўзбекистон Президенти сайловида жами 21 миллион 435 минг сайловчи бўлиб, уларнинг 10 миллион 825 мингдан зиёди хотин-қизлар, 555 мингдан ортиғи сайловда биринчи марта овоз бераётган ёшлар ҳисобланади. «Замин» янгиликларини «Вконтакти»да кузатиб боринг