Андижонда ирригация ерини сотишга уринган шахс қўлга олинди
Андижон вилоятида давлатга тегишли 10 сотих ерни ноқонуний сотишга уринган фуқаро М.А. 18 минг АҚШ долларини олаётган пайтда қўлга олинди. У фуқаро С.Т.га тадбиркорлик ва қўшимча обект қуриш учун зарур ер майдонини кадастрдаги танишлари орқали расмийлаштириб беришни вада қилган. М.А. бунинг эвазига 32 минг АҚШ доллари талаб қилган. Ҳолат юзасидан Жиноят кодексининг 168-моддаси ҳамда 28, 211-моддаси асосида жиноят иши очилиб, тергов олиб борилмоқда.
Андижон вилоятида давлатга тегишли ер майдонини ноқонуний йўл билан сотишга уриниш ҳолати фош этилди. Маълумотларга кўра, “Норин-Қорадарё” ирригация тизимлари ҳавза бошқармаси балансида бўлган 10 сотих ерни тўғридан-тўғри сотиб беришни ваъда қилган шахс ҳуқуқни муҳофаза қилувчи органлар томонидан ушланган.
Бош прокуратура ҳузуридаги Департаментнинг Шаҳрихон тумани бўлими ва Давлат хавфсизлик хизмати ходимлари ҳамкорлигида ўтказилган тезкор чора-тадбир жараёнида фуқаро М.А. қонунбузарлик устида қўлга олинди.
Маълум бўлишича, у фуқаро С.Т.нинг ишончини қозониб, тадбиркорлик ишларини йўлга қўйиши ҳамда қўшимча объект барпо этиши учун керак бўлган ер майдонини гўёки кадастр бўлимида ишловчи танишлари орқали расмий ҳужжатлаштириб беришини айтган. Бунинг эвазига у 32 минг АҚШ доллари талаб қилган ва шундан 18 минг долларини олган пайтида ашёвий далиллар билан ушланган.
Ҳозирда мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) асосида жиноят иши очилиб, тергов жараёнлари олиб борилмоқда.
Изоҳлар 0
…