Андижон вилоятида узоқ вақт давомида қарздорлик сабаб қидирувга берилган фуқаролар бўйича янгиланган статистика эълон қилинди. Бу ҳақда Бош прокуратура матбуот хизмати маълум қилди.
Маълумотларга кўра, вилоятда Мажбурий ижро бюросининг ҳудудий бўлимлари суд қарорларига асосан қарздор сифатида белгиланган 654 нафар шахсга нисбатан қидирув эълон қилган. Уларнинг 10 ойдан ортиқ вақт мобайнида излаш ишлари олиб борилган.
Қидирувда бўлганлардан 518 нафари топилган ва улар бўйича кейинги ижро чоралари кўрилган. Айтишларича, алимент тўловчи қарздорларнинг 73 нафари суд ҳужжати ижрога қабул қилиниши олдидан чет элга чиқиб кетгани аниқланган. Улар ҳақида халқаро қидирув эълон қилинган.
Шу билан бирга, халқаро террористик ташкилотга аъзолиги сабабли 25 йилдан ортиқ қидирувда бўлган бир шахс қўлга олиниб, Ўзбекистонга қайтарилгани ҳам маълум қилинди.
Бошқа ҳолатда, МИБ ҳудудий бўлимлари томонидан 615 нафар фуқарога нисбатан суд қарорлари асосида қидирув берилиб, улардан 430 нафари топилган.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
