Самарқанд вилоятида отанинг икки ўғли билан биргаликда юк автомашинасини ёқиб юборгани жамоатчиликда катта муҳокамага сабаб бўлди, деб Самарқанд вилояти ИИБ Ахборот хизмати хабар берди.
Маълумотларга кўра, 2025 йил 28 ноябрь куни соат 21:50 да Тойлоқ тумани “Беклар” маҳалласида яшовчи, 1985 йил туғилган фуқаро К.А. қўшни маҳаллада истиқомат қилувчи, аввалдан таниш бўлган Г'.Р. (1990 й.т.) ва Н.Р. (1991 й.т.) билан ўзаро келишмовчилик туфайли жанжаллашиб қолган.
Жанжалдан сўнг, К.А. ўзининг 2005 ва 2007 йилда туғилган фарзандлари билан бирга Г'.Р. ва Н.Р. бошқарувида бўлган юк машиналарига бензин сепиб, ёқиб юборган.
Ёнғин тезда ўчирилиб, бошқа транспорт воситалари ва юкларга зарар етказилиши олди олинган. Воқеа жамоатчилик орасида хавотир уйғотган.
29 ноябрь куни Тойлоқ тумани ИИБ ҳузуридаги Тергов бўлими томонидан Ўзбекистон Республикаси Жиноят кодексининг 173-моддаси 2-қисми билан жиноят иши қўзғатилди.
К.А. ва унга ёрдам берган шахсларга нисбатан қамоққа олиш тарзидаги эҳтиёт чораси қўлланилди. Ҳозирда дастлабки тергов ҳаракатлари олиб борилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
