2025 йилда Ўзбекистонда гиёҳвандлик воситалари билан боғлиқ жиноятлар бўйича 3,8 минг нафар шахс жавобгарликка тортилди. Расмий маълумотларга кўра, уларнинг қарийб 93 фоизи ёшлар ҳисобланади. Бу ҳақда podrobno.uz хабар беради.
Бу статистика 30 январ куни республика тезкор-профилактик ойлиги стартига бағишланган матбуот анжуманида эълон қилинди. Ички ишлар вазирлиги ва тегишли идоралар келтирган рақамларга кўра, 30 ёшгача бўлган ҳуқуқбузарлар сони 3,7 минг нафарни ташкил этган.
Ёшлар орасида 124 нафар олий таълим муассасаси талабаси, шунингдек 111 нафар вояга етмаган бор. Вояга етмаганларнинг 59 нафари умумтаълим мактаблари ўқувчилари экани қайд этилди.
Ёшлар ишлари агентлиги ва ҳуқуқни муҳофаза қилувчи органлар вакиллари бундай кўрсаткичлар тарбия ҳамда профилактика йўналишида ҳамкорликни кучайтиришни талаб қилишини таъкидлади.
Аввалроқ Бекободда ҳуқуқ-тартибот идоралари ходимлари қарийб 2 килограмм опий ва унинг савдосидан олинган пул маблағларини мусодара қилгани ҳақида хабар берилганди.
“Zamin”ни Telegram'да ўқинг!
