Самарқандда йўл-транспорт ҳодисаси оқибатида бир пиёда ҳаётдан кўз юмди. “Миллар” хабарига кўра, Onix автомашинаси ҳайдовчиси йўлни кесиб ўтаётган фуқарони уриб юборган.
Маълум қилинишича, ҳодиса кузатув камерасига муҳрланиб қолган. Видеолавҳада уч нафар пиёда йўлнинг белгиланмаган қисми орқали ўтаётгани, шу пайт Onix келиб, улардан бирини уриб юборганини кўриш мумкин.
Оқибатда жабрланувчи олган оғир тан жароҳатлари сабаб вафот этган. Бу каби ҳолатлар йўл ҳаракатида бир лаҳзалик эътиборсизлик қанчалик оғир оқибатларга олиб келишини яна бир бор кўрсатмоқда.
Ҳозирда мазкур ҳолат юзасидан терговга қадар суриштирув ишлари бошланган. Ҳуқуқни муҳофаза қилувчи органлар воқеанинг барча тафсилотларини ўрганмоқда.
Ctrl
Enter
Хато топдингизми?
Иборани ажратиб Ctrl+Enter тугмасини босинг 
