Бўстонлиқда мушукларни қийнаб ўлдирганлар қамоққа олинди
Бостанлиқ туманида мушукларга нисбатан шафқациз муносабат қилган 33 ёшли М.Ш. ва 30 ёшли А.А. маъмурий қамоққа олинди. Суд қарорига кўра, М.Ш.га Маъмурий жавобгарлик тўғрисидаги кодекснинг 111-моддаси асосида 15 сутка, А.А.га эса 220-1-модда асосида 10 сутка қамоқ жазоси тайинланди.
Тошкент вилоятининг Бўстонлиқ туманида мушукларга нисбатан шафқатсизлик қилган шахслар аниқланиб, улар қамалди. Бу воқеа жамоатчилик орасида катта ғазаб ва норозилик уйғотган эди. Тошкент вилояти Ички ишлар бош бошқармаси матбуот котиби Бобур Тўлаганов бу ҳақда маълумот берди.
Унинг сўзларига кўра, суд қарор қилинган ҳолда 33 ёшли М.Ш.га Маъмурий жавобгарлик тўғрисидаги кодекснинг 111-моддаси (Ҳайвонларга нисбатан шафқатсиз муносабат) асосида 15 сутка маъмурий қамоқ, шунингдек 30 ёшли А.А.га Маъмурий жавобгарлик тўғрисидаги кодекснинг 220-1-моддаси (Қуролнинг қонунга зид қўлланилиши) асосида 10 сутка маъмурий қамоқ жазоси белгиланди.
Маълумот учун, маъмурий жазо қўлланилгандан кейин ҳам бу каби қўпол ҳаракатлар такрорланса, шахслар жиноий жавобгарликка тортилади. Бу воқеа ҳайвонларга нисбатан шафқатсизликка нисбатан жамоатчилик орасидаги норозиликни яна бир бор кучайтирди.
Изоҳлар 0
…