Карталардан акцептсиз ечишга янги минимал қолдиқ тартиби жорий этилади
2026 йил 15 апрелдан бошлаб банк карталаридан маблағларни автоматик (акцептсиз) ечиб олишнинг янги тартиби жорий этилади. Унга кўра, карталарда БҲМнинг 3 баравари миқдорида камайтирилмайдиган минимал қолдиқ сақланиши шарт этиб белгиланди. Эндиликда мажбурий ундирувлар ва тўловлар фақат ушбу «хавфсиз қолдиқ»дан юқори бўлган маблағлар ҳисобидан амалга оширилади. Мазкур ўзгариш фуқароларнинг молиявий хавфсизлигини таъминлаш ва карта балансининг тўлиқ нолга тушиб қолишини олдини олишга хизмат қилади.
2026 йил 15 апрелдан бошлаб мамлакатда банк карталари орқали акцептсиз, яъни мижоз розилигисиз автоматик равишда ечиб олиш операцияларига янги тартиб жорий этилади.
Янги қоидаларга кўра, карталарда минимал камайтирилмайдиган қолдиқ белгиланади. Ушбу талабга мувофиқ, ҳар бир карта ҳисобида доимий равишда камида БҲМнинг 3 баравари миқдорида маблағ сақланиши шарт бўлади. Бу эса карта баланси тўлиқ нолга тушиб қолишининг олдини олади.
Янги тизим амалиётга киргач, автоматик тўловлар ва қарзларни ундириш жараёнлари фақат белгиланган чегарадан юқори бўлган маблағлар доирасида амалга оширилади. Яъни мажбурий ечимлар картадаги “хавфсиз қолдиқ”дан тегиб ўтмайди.
Маълумот учун, акцептсиз ечиб олишлар кўпинча банк кредитлари, рассрочка тўловлари ёки бошқа молиявий мажбуриятларни қоплаш учун қўлланилади. Бу тизим қарздорликни автоматик ундиришни таъминлайди.
UZCARD тизими томонидан билдирилишича, янги талаблар банк томонидан олдиндан мижоздан олинган ва OTP тасдиқланган карта маълумотларига нисбатан қўлланилмайди.
Мутахассислар фикрича, ушбу ўзгаришлар фойдаланувчиларнинг молиявий хавфсизлигини оширишга хизмат қилади ва кутилмаган тўлиқ маблағ ечилиб кетиши каби ҳолатларни камайтиради.
Изоҳлар 0
…