Тошкентда Матиз ҳайдовчиси қоидабузарлик бўйича рекорд ўрнатди
Мажбурий ижро бюроси маълумотига кўра, Тошкент шаҳрида Матиз русумли автомобил эгаси бир йил ичида 900 мартадан ортиқ қоидабузарлик содир этгани аниқланди. Мазкур транспорт воситаси 2024 йил апрел ойидан бошлаб мунтазам равишда йўл ҳаракати қоидаларини қўпол тарзда бузиб келганлиги сабабли 912 та маъмурий жарима расмийлаштирилиб, умумий қарздорлик 331 миллион сўмга етган.
Фото: Мажбурий ижро
Тошкент шаҳрида йўл ҳаракати қоидаларини энг кўп бузган ҳайдовчилардан бири аниқланди. Мажбурий ижро бюроси маълумотига кўра, Матиз русумли автомобил эгаси бир йил давомида 900 мартадан ортиқ қоидабузарлик содир этган.
Аниқланишича, ушбу автомобил 2024 йил апрель ойидан бошлаб бугунги кунгача мунтазам равишда йўл ҳаракати қоидаларини қўпол тарзда бузиб келган. Натижада 912 та маъмурий жарима расмийлаштирилиб, умумий қарздорлик 331 миллион сўмга етган.
Қарздорлик ортиб боргани сабабли автомобилга нисбатан қидирув эълон қилинган. Олиб борилган тезкор қидирув ва мажбурий ижро ҳаракатлари давомида ушбу Матиз топилиб, 15 май куни жарима майдонига жойлаштирилган.
Ҳозирда мазкур ҳолат юзасидан тегишли тартибда ишлар давом эттирилмоқда.
Изоҳлар 0
…