Хоразмда қурилиш вақтида эркакни тупроқ босиб қолди
Хоразм вилоятининг Урганч шаҳридаги қурилиш майдонида 28 июн куни тупроқ ўпирилиши оқибатида ишчилардан бири ер остида қолиб кетди. Фавқулодда вазиятлар вазирлиги қутқарувчилари зудлик билан ҳодиса жойига етиб бориб, махсус ускуналар ёрдамида тезкор амалиёт ўтказди. Натижада жабрланган эркак тупроқ остидан соғ-саломат чиқариб олинди ва оғир оқибатларнинг олди олинди.
Хоразм вилоятида олиб борилаётган қурилиш ишлари чоғида бахтсиз ҳодиса юз берди. Тупроқ ўпирилиши оқибатида бир эркак ер остида қолиб кетган.
Фавқулодда вазиятлар вазирлиги маълумотига кўра, ҳодиса 28 июн куни Урганч шаҳрининг "Ал-Хоразмий" кўчасида содир бўлган. Қурилиш жараёнида тупроқнинг кутилмаганда ўпирилиши натижасида ишчилардан бири тупроқ остида қолган.
Воқеа ҳақида хабар келиб тушиши билан Фавқулодда вазиятлар вазирлиги қутқарувчилари зудлик билан ҳодиса жойига етиб борган. Махсус қутқарув ускуналари ва анжомлари ёрдамида олиб борилган тезкор амалиёт натижасида эркак тупроқ остидан соғ-саломат чиқариб олинган.
Қутқарувчиларнинг тезкор ҳаракати туфайли оғир оқибатларнинг олди олинди. Ҳодиса юзасидан тегишли идоралар томонидан ҳолатнинг сабабларини аниқлаш ишлари олиб борилмоқда.
Изоҳлар 0
…