Трамп Мирзиёевдан ўрнак олиб, оддий одамлар орасига киряпти

АҚШ президенти Дональд Трамп Нью-Жерси штатида жойлашган ва ўзига тегишли бўлган гольф клубда ўтказилган тўй маросимига кириб келди. Унинг кутилмаган ташрифи ёш келин-куёвларни ва меҳмонларни ҳайратга солди. Бу ҳақда “CNN” агентлигига таяниб Qalampir.uz хабар берди.

Маълумотларга қараганда, президентнинг маросимга кириб келганини ҳеч ким сезмаган. Соқчиларнинг бирданига кўпайиб кетиб, давлат раҳбарини қуршаб олганларидан сўнг, барчанинг диққатини жалб қилган.

Дональд Трамп маросимга жилмайган ҳолда кириб келар экан, келин ва куёв билан ҳам суратга тушди. Тўйга ташриф буюрган меҳмонлар кутилмаган меҳмоннинг ташрифини мобил телефон камераларига муҳрлашди ва ижтимоий тармоқлар орқали бу ҳаракат ҳақиқий туҳфа бўлганлигини ёзиб қолдиришди. «Замин»ни Telegram’да ўқинг!