18:30 / 01.08.2017
8 211

Пластик карточка ҳисобида пул бўлмаса ҳам харидни амалга ошириш имконияти яратилди

Пластик карточка ҳисобида пул бўлмаса ҳам харидни амалга ошириш имконияти яратилди
Эндиликда пластик карточкаларда пул маблағи бўлмаса ҳам харидни амалга ошириш имкоинияти яратилди. Ўзбекистон Республикаси Марказий банки Бошқарувининг қарори билан “Жисмоний шахсларга банк пластик карточкаси орқали овердрафт кредити бериш тартиби бўғрисида”ги Низомни тасдиқланди. Бу ҳақда “Norma.uz” портали хабар берди.

Овердрафт кредити орқали банк пластик карточкасида қолган қолдиқдан ортиқ миқдордаги маблағни ишлатиш имкониятини берадиган қисқа муддатли кредитлашдир. Бундай имкониятни қўлга киритиш учун банк ва жисмоний шахс ўртасида овердрафт шартномаси тузилиши лозим.

Мазкур кредит қайтаришлик, тўлаш, муддатлилик ва таъминланганлик шарти билан берилади.

Жисмоний шахс, яъни мижоз банк билан овердрафт шартномасини имзолаши учун қуйидаги ҳужжатлар талаб этилади:
1. Овердрафт олишга буюртманома
2. Паспорт нусхаси
3. Даромади тўғрисида маълумотнома.

Банк уч кун ичида ҳужжатларни текшириб, овердрафт шартномасини имзолаш ёки рад қилиш борасида қарор чиқаради. Агар кредит бериш рад этилса, мижозга ёзма хабарнома жўнатилади.

Овердрафт ариза берувчи ўртача даромадининг (ойлик иш ҳақининг, пенсиянинг) 3 баробаригача бўлган миқдорда 12 ойгача бўлган муддатга қайта тикланадиган (револьвер) шаклда, овердрафт шартномасига илова қилинган жадвалга мувофиқ босқичма-босқич қайтариш шарти билан берилади.

Кредитнинг йиллик фоиз ставкаси миқдори шартнома асосида белгиланади. Фоиз мижоз томонидан ишлатилган маблағ учун ҳисобланади.

Кредитни қайтариш иш ҳақи, пенсия ёки бошқа маблағларни банк пластик карточкасига кирим қилиш орқали қайтарилади. Агар кредит фоиз миқдори ўз вақтида тўланмаса, банк кредитлашни тўхтатади.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Пластик карточка ҳисобида пул бўлмаса ҳам харидни амалга ошириш имконияти яратилди