Фото: Тошкент шаҳар ИИББ
Бугун, 12 июль куни Миробод тумани Ойбек кўчасидаги кўп қаватли уйлардан бирида ёнғин чиққани ҳақида хабар бергандик. Тошкент шаҳар ИИББ ушбу ҳодиса ҳақида расмий маълумот берди.
«Бугун соат 14.50да Миробод тумани Ойбек кўчасида жойлашган 9 қаватли уйнинг 1-қаватидаги гўзаллик салонида ёнғин юз бергани ҳақида хабар келиб тушди. Воқеа жойига 2та ўт ўчириш машинаси қисқа фурсатда етиб борди», дейилади хабарда.
Фото: Тошкент шаҳар ИИББ
Маълум бўлишича, «Bell clio» салонининг соябонида ёнғин келиб чиққан бўлган. Тезкор ҳаракатлар натижасида соат 15.08да аланга жиловланиб, соат 15.09да бутунлай бартараф этилган.
Фото: Тошкент шаҳар ИИББ
Аланга оқибатида уйнинг 2-7-қаватларидаги дераза ромлари зарар кўрган. Ўт ўчирувчиларнинг тезкор ҳаракатлари натижасида ёнғиннинг авж олиб кетиш хавфи олди олинган. Қурбонлар ва жароҳат олганлар йўқ. Ёнғин сабаблари ўрганилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
