Тошкентда “Вино санъати” фестивали ўтказилади

  • 5-11-2018, 09:01
  • 328
  • Жамият
  • Тошкентда “Вино санъати” фестивали ўтказилади
    21-23 ноябрь кунлари Тошкентда “Вино санъати” фестивали ўтказилади.

    Фестивалга Болгария, Венгрия, Грузия, Италия, Молдова, Россия, Франция, Япония каби давлатларидан экспертлар, мутахассислар келиши кутилмоқда. Улар орасида “Santuccio Sommelier” ассоциацияси президенти Леонардо Комуччи, Токио сомельер мактаби вакили Орзугул Бобохўжаева, Россиянинг Шампан энологияси институти вакили Маргарита Панкратова каби шароб саноатининг кўплаб мутахассислари бор.

    Ташкилотчилар “Вино санъати” фестивали уч хил – илмий, маданий ва кўнгилочар йўналишларни ўз ичига оладиган ноодатий фестивал бўлишини айтишмоқда.

    Фестивал доирасида “Вино ва узумчилик саноатида инновацион технологиялар”, “Шарқ узумлари” номли халқаро илмий-амалий анжуманлар ўтказилади. Шунингдек, маданий-кўнгилочар дастурлар, вино санъати бўйича маҳорат дарслари, маҳаллий гастрономик маҳсулотлар ва миллий ҳунармандчилик намуналари кўргазмаси ташкил этилади.

    » » Тошкентда “Вино санъати” фестивали ўтказилади