Тадбиркор аёлни 48 000 000 сўмга алдаб кетишди

Жорий йилнинг 3 октябрь куни Тошкент вилояти Чирчиқ шаҳрида яшовчи А.Ў. (аёл) таниши, Чилонзор туманида яшовчи, хусусий тадбиркор, Т.Х. (аёл)нинг уйида унга озиқ-овқат ва тамаки маҳсулотлари ҳамда спиртли ичимликларни арзон нархда олиб келиб беришини айтган.

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабарига кўра, бу шахс уни алдаб ишончига кириб, 48 000 000 сўм пулини олиб, берган ваъдасини бажармай, пулларни ўз эҳтиёжи учун ишлатиб юборганлиги маълум бўлган.

Кўрилган чоралар натижасида А.Ў. ушланган. Мазкур ҳолат юзасидан жиноят иши қўзғатилган. “Zamin”ни Telegram'да ўқинг!