Қамчиқ довонида Дамас автомашинаси юк машинаси билан тўқнашди

^{Фото: ФВВ}
Тошкент-Ўш автомобиль йўлида ҳаракатланган Damas автомобили бошқарувни йўқотиб, шу йўналишдаги MAN юк машинасига бориб урилган. Натижада Damas машинасидаги 5 йўловчидан 4 таси турли даражада тан жароҳатлар олган.

Бу ҳақда 20 июль куни тонги соат 04:50ларда Қамчиқ махсус қидирув-қутқарув бошқармасининг Тезкор навбатчи-диспетчерлик гуруҳига хабар келиб тушган.

Мазкур мурожаат юзасидан бошқарма қутқарувчилари воқеа жойига зудлик билан етиб борган. Қутқарувчилар тўқнашув оқибатида машина ичида сиқилиб қолган йўловчини чиқариб олишган.