Янги солиқ кодекси лойиҳаси кенг муҳокама қилинди

  • 12 сентябрь 2019, 12:50
  • 331
  • Жамият
  • Янги  солиқ кодекси лойиҳаси кенг муҳокама қилинди
    Тошкент вилояти давлат солиқ бошқармасида янги таҳрирдаги Солиқ кодекси лойиҳаси муҳокамасига бағишланган давра суҳбати бўлиб ўтди.
    Унда Давлат Солиқ Қўмитаси раиси ўринбосари Мубин Мирзаев, соҳа ходимлари, тадбиркорлик субъектлари ва уларнинг ҳисобчилари иштирок этдилар.

    Тадбирда таъкидландики, Солиқ кодексининг янги таҳрири солиқлар сонини камайтиришдан ташқари, солиқ тўловчиларнинг ҳуқуқлари ва қонуний манфаатларини ҳимоя қилишни кучайтиришга қаратилган.

    - Мен ушбу тадбирда янги таҳрирдаги Солиқ кодексида белгиланган солиқ текширувлари бўйича маъруза қилдим –дейди, Давлат Солиқ Қўмитаси Солиқ назорати ва экспресс ўрганишларни ўтказиш бошқармаси давлат солиқ бош инспектори Улуғбек Набиев. Сир эмаски, бугунги кунда давлатимиз раҳбари томонидан тадбиркорлик субъектларига алоҳида эътибор қаратилмоқда.

    Қулай тадбиркорлик муҳитини яратишда зарур бўлган жиҳатлар, имтиёз ва қулайликлар янги таҳрирдаги солиқ кодексида ҳам ўз аксини топган бўлиб, бунда тадбиркорларнинг фаолияти давомида дуч келаётган айрим муаммоларини қонуний ҳал этишга қаратилган янги бандлар киритилган.

    Шунингдек, янги кодекс лойиҳасида солиқ қонунчилигини янада соддалаштириш, солиқларни ва бошқа тўловларнинг сонини камайтиришга эътибор қаратилган. Ўзбекистоннинг янги солиқ кодекси лойиҳасини ишлаб чиқиш жараёнида Давлат солиқ қўмитаси мутахассислари, Молия вазирлиги, Халқаро валюта жамғармаси, Жаҳон банки ва бошқа халқаро экспертлар иштирок этган.

    Ҳар бир шахс ушбу кодекс лойиҳасида белгиланган солиқлар ва бошқа мажбурий тўловларни тўлашга мажбурдирлар. Ҳеч кимга ушбу кодексда назарда тутилмаган ёхуд унинг меъёрларини бузган ҳолда ўрнатилган солиқ ва бошқа мажбурий тўловларни тўлаш мажбурияти қўйилмайди.

    Мухтасар айтганда, соҳага оид амалга оширилаётган ишлар бюджет даромадларини ошириш, аҳолининг турмуш фаровонлигини юксалтириш ҳамда мамлакатимиз тараққиётини изчил таъминлашга хизмат қилади.

    Тошкент вилояти давлат солиқ бошқармаси
    Жамоатчилик билан алоқалар ва ҳуқуқий ахборот шўъбаси

    Facebook орқали авторизация
    Маълумот

    Посетители, находящиеся в группе Гости, не могут оставлять комментарии к данной публикации.
    » » Янги солиқ кодекси лойиҳаси кенг муҳокама қилинди