Фото: «Repost»
Россиянинг қулликка қарши курашувчи «Альтернатива» нотижорат кўнгиллилар ташкилоти ўзбекистонлик уч нафар фуқаронинг қулликка тушиб қолгани ҳақида маълум қилди.
Қайд этилишича, 2019 йилнинг август ойида Ўзбекистон фуқаролари Улуғбек А., Абдулазиз Х. ва Жасурбек Т. Россиянинг Перм ўлкасига иш излаб кетган. Улар ўзини Али деб таништирган Қозоғистон фуқароси билан танишган.
Али уларга Оренбург вилоятининг Бузулук шаҳрида иш топиб беришни ваъда қилган ва ҳужжатларни расмийлаштиришда ҳамда турар жой топишда ёрдам беришини айтган. Ўзбекистонликлар бунга рози бўлган, бироқ айтилган жойга етиб борганда, Али уларни ўзини Фузайл деб таништирган озарбайжонлик кишига топширган.
Фузайл миграцион ҳисобга қўйиш сабаби билан уч эркакнинг ҳужжатларини олган ва уларни қурилишда ишлаш учун жўнатган.
Йигитлар 10 кундан сўнг ҳужжатларини қайтариб беришни сўраган. Фузайл эса Алига улар учун 50 минг рубл тўлаганини ҳамда улар ҳужжатларини мазкур суммани тўлиқ қайтарганларидан кейин олиши мумкинлигини айтган.
Ўзбекистон фуқароларининг паспортларини қайтариб бериш ҳақидаги иккинчи мурожаатидан кейин Фузайл ва унинг шериклари мигрантларни дўппослаган, улардан бирининг бурнини синдирган. Эркаклар хўжалик биносига қамаб қўйилган.
22 сентябрь куни улар асирликдан қочиб кетишга муваффақ бўлган. Тожикистонлик ва ўзбекистонлик мигрантлар ёрдами билан улар Ўзбекистон консуллигидан вақтинчалик ҳужжатларни олиш учун Москвага йўл олган.
«Альтернатива» ташкилоти уч эркакка бошпана берган ва уларнинг уйига қайтиш харажатларини тўлаш учун Халқаро миграция ташкилотига ҳужжатларни жўнатган. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди