«Avto oltmish oy» МЧЖ раҳбари Жамшид Баҳодиров
ИИВ Тергов департаменти масъул ходими Адҳамжон Абдуллаев «Avto oltmish oy» МЧЖ мансабдор шахсларига нисбатан қўзғатилган жиноят иши билан боғлиқ қўшимча тафсилотларни маълум қилди.
«Тергов жараёнида аниқланишича, Жамшид Баҳодиров ўзининг жиноий шериклари билан олдиндан тил бириктириб, бир гуруҳ бўлиб, «Avto oltmish oy» ва «Catalea Media» МЧЖ ва ЯТТ «Ж.Баходиров»ни ташкил этиб, 3 ой муддат ичида Ўзбекистонда «UzAuto Motors» АЖ томонидан ишлаб чиқарилган автомашиналарни етказиб беришни ваъда қилиб, жами 18 мингдан ортиқ фуқаролардан автомашина русумига қараб, 1 млн сўмдан 10 млн сўмгача бўлган миқдорда пул олиб, жами 57 млрд сўм маблағни қўлга киритган.
2019 йил 21 октябрь куни Ж.Баҳодировга нисбатан ЖКнинг 188-1-моддаси 3-қисми «а» банди билан айблов эълон қилиниб, «қамоққа олиш» эҳтиёт чораси қўлланган.
Бундан ташқари, 2019 йил 11 ноябрь куни ушбу жиноятга алоқдор яна 3 нафар шахсга нисбатан ЖКнинг 188-1-моддаси 3-қисми «а» банди билан айб эълон қилинган ва уларга ҳам тегишли эҳтиёт чоралари танланган.
Жиноят иши юзасидан ўтказилган тинтув-тергов ҳаракати давомида олинган компьютер техника воситалари, 3та «Спарк», 1та «Трекер», 1та «Дамас», 1та «Ласетти» русумли, жамият ходимларига тегишли автомашиналар, 28та турли русумдаги умумий қиймати 2,1 млрд сўм бўлган автомашиналар хатланган», – деди Адҳам Абдуллаев
Унинг сўзларига кўра, ҳозирги кунга келиб жиноят иши юзасидан жами 16 минг 800 нафар киши сўроқ қилинган.
Маълум қилинишича, етказилган моддий зарар ҳажми 57 млрд сўмга тенг. Шундан 44 млрд сўми ундирилган (26,1 млрд сўми нақд пул шаклида). Жами 17,9 млрд сўмлик мол-мулк хатланган.
«Ҳозирда дастлабки тергов ҳаракатлари давом эттирилмоқда ва жиноят иши якунига кўра ОАВ вакиллари билан учрашув (брифинг) ташкил этилади», – дея қўшимча қилди Тергов департаменти расмий вакили.
2019 йилнинг октябрида «Avto oltmish oy» МЧЖ мансабдор шахслари ва бошқаларга нисбатан Жиноят кодексининг 188-1-моддаси 1-қисми (пул маблағларини ва бошқа мол-мулкни жалб этишга доир ноқонуний фаолият) билан жиноят иши қўзғатилган эди. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Германияда мактаб ўқувчилари оммавий равишда ислом динини қабул қилмоқда
Тошкентда 02 кодли авторақамлар тахминан қачон пайдо бўлиши айтилди
Велосипедда сайр қилиш учун 3 сабаб: ёшартиради, оздиради ва умрни узайтиради
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди
