Хорижда ишга жойлаштиришни ваъда қилган МЧЖ раҳбарларига жиноий иш қўзғатилди

1 дақиқа ўқиш3.2K
Хорижда ишга жойлаштиришни ваъда қилган МЧЖ раҳбарларига жиноий иш қўзғатилди
Фото: Ижтимоий тармоқлар
Интернет тармоғида фуқароларнинг “Recruit Consulting Work Xususiy bandlik agentligi” МЧЖ ишчилари уларга Швейцария ва Австрияда ишга жойлашишда ёрдам беришларини ваъда қилиб, хизмат учун пул олгач ваъдаларида турмаганликлари ҳақида видеоси тарқалди. Алданган фуқаролар видеомурожаатни интернетга жойлаштиришга қарор қилишган.

Тошкент шаҳар ИИББ ахборот хизмати маълум қилишича, ўтган йилнинг июль ойида 37 ёшли Д.И., 45 ёшли М.К. юқоридаги масъулияти чекланган жамиятга мурожаат қилишган ва у ерда уларга 25 миллион сўм ва 16 миллион сўм эвазига қариндошларини чет элда ишга жойлаштириш ваъда қилинган. Шу билан бирга, корхона томонидан бир марталик консультация учун шартнома тузилиб, фуқароларга тақдим этилган. Алданган аёллар ушбу шартномаларни имзолаганлар ва тўлов тўлиқ МЧЖ ҳисоб рақамига ўтказилган.

Тергов давомида аниқланишича, ушбу аёллардан ташқари мазкур МЧЖга яна 22 киши мурожаат қилишган ва уларга ҳам худди шундай шартномалар тақдим этилиб, жами 445 000 000 сўм олинган. МЧЖ раҳбарлари ваъда қилган ишларини бажармасдан, пулларни ўз эҳтиёжларига сарфлаганлар.

Ушбу факт асосида МЧЖ раҳбарларига нисбатан 2019 йил 23 ноябрь куни Тошкент шаҳар прокурори томонидан Жиноят кодексининг 168-моддаси (“Фирибгарлик”) 4-қисми бўйича жиноий иш қўзғатилди.

2019 йил 23 декабрь куни МЧЖ офисида ўтказилган тинтув давомида ашёвий далиллар сифатида қуйидагилар топилган: имзоланган шартномалар, сертификат, муҳр ва бошқа ҳужжатлар. 2019 йил 27 декабрь куни МЧЖнинг ҳисоб рақами “музлатилди”.

ИИББ маълумотида айтилишича, “Recruit Consulting Work xususiy bandlik agentligi” МЧЖнинг жиноий фаолиятидан жабр кўрганлар Тошкент шаҳар ИИББ ҳузуридаги Тергов бошқармасига қуйидаги рақамлар орқали мурожаат қилишлари мумкин: 71-281-90-75, 71-252-55-02, 71-281-92-31, 71-281-91-85.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?