10:20 / 16 марта 2020
5 191

Коронавирус инсон танасида қанча яшайди?

Коронавирус инсон танасида қанча яшайди?
Фото: Reuters
Янги тадқиқотларга кўра, патоген микроорганизмлар ҳаво йўлларида қолиши ва икки ҳафтадан кўпроқ вақт давомида юқумли бўлиб қолиши мумкин.

Пандемия қанчалик оғир бўлишининг яна бир далилини, хитойлик шифокорлар даволаган беморларнинг нафас олиш намуналарини ўрганиш орқали топдилар. The Lancet илмий журналига кўра, коронавирус РНК инфекциядан кейин камида 20 кун сақланиб қолади, аммо вирус билан касалланиш ҳолатлари 37 кунда ҳам қайд этилган.

Олимлар ушбу хулосаларга ХХРдаги COVID-19 билан касалланган 191 беморнинг, шу жумладан вафот этган 54 беморнинг касаллик тарихи ва лаборатория маълумотлари таҳлили асосида келдилар.

Тадқиқот натижалари "беморни изоляция қилиш тўғрисида қарор қабул қилишда ҳам, даволаниш муддати бўйича кўрсатмалар учун ҳам муҳимдир", дейди хитойлик шифокорлар.

Ҳозирги вақтда инфекцияланган одам учун тавсия этилган изоляция даври 14 кун. Аммо вирус аломатлари йўқолгандан кейин омон қолганлиги сабабли, касал бўлганлар патогеннинг тарқалишини карантиндан қайтгандан кейин ҳам давом эттиришлари мумкин.

SMCP ҳисоблагичига кўра, 13 март куни 134 мингдан ортиқ одам дунё коронавирусини юқтирган, 70 мингдан ортиқ киши тузалиб кетган, 5 мингдан ортиқ одам вафот этган.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)