Жазони ижро этиш муассасалари ҳозирги кунда тўлиқ ёпилиб карантин ҳолатига ўтказилган. Маҳкумларни ўз вақтида дизинфекциядан ўтказиш, ҳар икки соатда ҳароратини текшириш ишлари амалга оширилмоқда. Бундан ташқари фавқулоддаги вазиятлар учун махсус камералар тайёрланган.
Карантин давридаги қонун-қоидалар билан танишмисиз? Қонунчиликда қандай меъёрлар билан белгиланган? Шу каби саволлар юзасидан ИИВ ҳузуридаги тергов департаменти бошлиғи ўринбосари Ойбек Қулбековга мурожаат қилдик.
– Карантин қоидаларини бузган шахсларга қонунчиликда қандай жавобгарлик белгиланган?
– Карантин қоидаларини бузган шахслар учун маъмурий ва жиноий жавобгарликлар белгиланган. Ҳозирги пайтда 3 та ҳудудда бундай қонунбузарлар аниқланган. Улар Сурхондарё вилояти Денов тумани, Тошкент вилояти Паркент тумани, Бухоро вилояти Шофиркон туманида яшовчи фуқаролар эканлиги аниқланган. Уларга нисбатан Карантинда сақлаш қоидаларини бузганлиги, карантин ҳудудини ўз бошимчалик билан тарк этиб, яқинларини ва танишларини хавф остида қолдирганлиги учун жиноят ишлари қўзғатилган. Дастлабки тергов ҳаракатлари олиб борилмоқда. Бундан ташқари яна 4 нафар фуқарога нисбатан Маъмурий жавобгарлик тўғрисидаги кодексининг тегишли моддаларга асосан маъмурий жавобгарликка тортилган.
– Жазони ижро этиш муассасаларида қандай карантин чоралари кўрилган?
– Жазони ижро этиш муассасалари ҳозирги кунда тўлиқ ёпилиб карантин ҳолатига ўтказилган. У ерда сақланаётган айбланувчилар, судланувчилар ва маҳкумларни коронавирус касаллигини юқтириб олмасликлари учун барча зарурий чоралар белгиланган. Жумладан, уларни ўз вақтида дизинфекциядан ўтказиш, ҳар икки соатда ҳароратини текшириш ишлари амалга оширилмоқда. Бундан ташқари фавқулоддаги вазиятлар учун махсус камералар тайёрланган.
– Фуқароларнинг уйларига “уйингизни дизинфекция қиламиз”, деб келса нима қилиш керак?
– Ўзини Санитария эпидомология маркази ходимиман деб таништириб, уйида дизинфекция қилиш баҳонасида ўғирлик, фирибгарлик ёки талончилик каби жиноятларни содир қилишни режалаштирган фуқаролар ҳам бўлиши мумкин. Ҳеч қандай Санитария эпидомология ходими сабабсиз уйига эшик тақиллатиб келмайди. Фақатгина касаллик аниқланганда ёки ўша хонадонда яшовчи фуқарода касаллик аниқланганда дизинфекция чоралари кўрилади. Сабабсиз “биз дизинфекция қилмоқчимиз” дейишганда уйга киришига рози бўлмаслик ва дарҳол Ички ишлар органларига мурожаат қилишлари керак. Бундан ташқари фуқаролар тегишли хизмат гувоҳномаларини талаб қилишга ҳуқуқи бор.
– Йўловчи ташиш хизматлари томонидан қандай чоралар кўрилмоқда?
– Маълумки, Тошкент шаҳри ҳокимининг қарорига асосан жамоат транспортидан фойдаланиш вақтинчалик тўхтатилди. Ҳозирги пайтда Тошкент шаҳри бўйича лицензияга эга 9 мингдан ортиқ таксичилик фаолияти билан шуғулланадиган автомашиналар бор. Ушбу автомашиналар Тошкент шаҳридаги 8 та автопарклар томонидан ҳар куни эрталаб дизинфекциядан ўтказилади ва йўл варақаларига дизинфекциядан ўтказилганлик ҳақида муҳр қўйилади. Шундан сўнг кун давомида фуқароларга такси хизмати кўрсатилади.
Бекжон Жўрақулов суҳбатлашди
“Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Тошкентда 02 кодли авторақамлар тахминан қачон пайдо бўлиши айтилди
Сариқми ёки яшил: қайси турдаги банан фойдалироқ?
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Россия дунёдаги биринчи водород ёқилғили автомобилни тақдим этди
Германияда мактаб ўқувчилари оммавий равишда ислом динини қабул қилмоқда
Қайси кундалик одатлар иммунитет пасайишига олиб келишини биласизми?
Америкалик олимлар барча учун бирдек фойдали жисмоний фаоллик турини аниқлади
