Валерий Тян хорижий алоқалар ва ватандошлар билан ишлаш бўйича лавозимга тайинланди

Валерий Тян янги лавозимга тайинланди. Бу ҳақда «Ҳуқуқий ахборот» каналида маълумот берилди.
Маълумотда айтилишича, ҳукумат қарори (257-сон, 26.04.2020 й.) билан Валерий Николаевич Тян Вазирлар Маҳкамаси ҳузуридаги Миллатлараро муносабатлар ва хорижий мамлакатлар билан дўстлик алоқалари қўмитаси раисининг хорижий алоқалар ва ватандошлар билан ишлаш бўйича ўринбосари этиб тайинланди.

Эслатиб ўтамиз, Валерий Тян узоқ йиллар давомида, 2002 йилдан 2017 йилга қадар «Ўзбекистон Ҳаво йўллари» МАКда бош директор лавозимида ишлаган.