«Бу янги пневмония эмас» - Ўзбекистонга Қозоғистондан янги вирус кириб келгани ҳақидаги гаплар рад этилди

1 дақиқа ўқиш2.6K
«Бу янги пневмония эмас» - Ўзбекистонга Қозоғистондан янги вирус кириб келгани ҳақидаги гаплар рад этилди
Давлат бош санитария инспектори Нурмат Отабеков АОКАда ўтказилган брифингда Ўзбекистонда сўнгги пайтларда вафот этаётган аксарият беморлар ўлимига Қозоғистон ҳудудидан кириб келаётган хавфли пневмония сабаблиги борасидаги саволга жавоб берди.

«Бу каби маълумотларни тақдим этаётганлар ва тарқатаётганлар учун айтмоқчиман, бу ҳеч қандай янги пневмония эмас.
Одамларга бир нарсани етказишни жуда хоҳлардим. Қачонки бирор-бир касаллик бўйича эпидемик вазият мураккаб бўлиб, қайсидир касаллик қўзғатувчиси бирор ҳудудда гегемонлик қилиб турар экан, бошқа касаллик қўзғатувчилари бу маконга киролмайди.

Одамларда бўлиши мумкин бир-бирига хиёнат қилиш, лекин микроорганизмларда бу каби хиёнат бўлмайди. Шунинг учун бу гапларнинг бирортаси тўғри эмас
», – деди у.

Отабековга кўра, Бутунжаҳон соғлиқни сақлаш ташкилотининг бир гуруҳ экспертлари пневмонияга чалинган беморлар сони кескин ошиши сабабларини ўрганиш учун яқин орада Қозоғистонга келиши кўзда кутилмоқда.

«Эҳтимол коронавирусга чалинган беморлар кечикиб ёрдам сўраган ва уларда пневмония аломатлари бордир, аммо Қозоғистонда пневмония чақирувчи янги ўткир вирус аниқланганлиги илмий лабораториялар тадқиқотлари асосида тасдиқланмаган», деди бош давлат санитария инспектори.

Kun.uz мухбири брифингдан сўнг мазкур масалада Нурмат Отабеков билан боғланди. У ҳақиқатан ҳам, қайсидир касаллик қўзғатувчиси бирор ҳудудда гегемонлик қилаётган пайтда бошқа касаллик қўзғатувчилари бу маконга кирмаслигини таъкидлади.

«Вирус ва бактериялар орасида ҳам антагонизм ҳодисаси бор (Антагонизм [лот. antagonisma – баҳс, кураш] –бир-бирига қарама-қарши кучлар, ғояларнинг кескин курашини ифодалайдиган зиддият. Антагонизм тушунчаси биология, тиббиёт, математика, физика ва бошқа фанларда ҳам қўлланади. Масалан, микроблар ва дорилар антагонизми, ҳаракат ва қарши ҳаракат, мусбат ва манфий электр заряди ва бошқалар антагонизм табиат ва жамият ҳодисаларида ўзига хос шакл ва мазмунга эга – таҳр).

Вирус ва бактериялар ўзининг жойини иккинчисига бермайди. Бу микроорганизмлардаги қонуният ва уни ўзгартириб бўлмайди.
Шунинг учун ҳам касалликларда мавсумийлик тушунчаси бор. Масалан, ёздаги касаллик қишда, қишдагиси эса ёзда бошқасига ўз ўрнини бўшатади. Шундан кейин эпидемик маконни эгаси бўлади
», дейди Нурмат Отабеков.
Мақола сизга ёқдими?

Обуна билан реклама бўлмайди

Zamin Premium — ойига 4 900 сўм

Изоҳлар0

…

  1. Футбол академиялари учун Skaut: тўлов, давомат ва ота-она билан алоқа энди битта тизимда
  2. Тошкентдан Америкага: Нурмухаммад Исмоилов Akinda орқали ҳалол инвестицияни глобал миқёсга олиб чиқмоқда
  3. Автосервисингизни рақамлаштиринг: Bip Business билан мижозларни йўқотманг
  4. Машина ойнасига рақам ёзиш хавфлими? Bip ҳайдовчилар учун янги ечим топди!
  5. 8 та кенг тарқалган молиявий хато: нималардан сақланиш керак?
  6. Playmatch: майдон эгалари ишини анча енгиллаштиради
  7. Playmatch: футбол ўйнаш учун керакли барча хизматлар битта иловада
  8. Кундалик харажатлар учун картани қандай танлаш мумкин?
  9. Элдор Шомуродов футбол академияси ва TBC Bank: болалик орзуларидан катта футболгача
  10. ANORBANK Бўстонлиқдаги 168-сон мактаб-интернат тарбияланувчиларини табриклади
  11. Ҳайдовчилар ва ташувчилар учун ОСГОП суғуртасининг афзалликлари...
  12. Pure Milky’дан навбатдаги креатив: Ҳар қадам — азиз инсонларга меҳр билан!
  13. Кредит олиш имкониятини ошириш учун қаерда ишлаш керак?
  14. Бизнес имкониятингизни кенгайтиринг
  15. Фаннинг ривожланишига барчамиз масъулмиз!
  16. XIV Тошкент халқаро кинофестивали қандай ўтказилмоқда?