Бош вазир ўринбосари, республика махсус комиссияси аъзоси Беҳзод Мусаев «Ўзбекистон 24»га берган интервьюсида қатъий карантин даврида тиббиёт муассасаларини жиҳозлаш, уларнинг сонини кўпайтириш ва аҳолига тезлик билан тиббий хизмат кўрсатиш ишлари амалга оширилаётганини маълум қилди.
Беҳзод Мусаев Зангиота кўп тармоқли юқумли касалликлари шифохонаси ҳақида тўхталиб ўтиб, комплекс коронавирусга чалинган ва стационар шароитда даволанишга муҳтож беморларни даволашга ихтисослашишини маълум қилди.
«Зангиота комплексида жами 3500 беморни даволаш учун зудлик билан шароит яратиш ишлари амалга оширилмоқда. Бу ерда беморлар кислород билан етарлича таъминланади, ҳар 100 беморга ўзларининг даволовчи шифокоридан ташқари тиббиёт соҳасида юқори малакага эга бўлган бир нафар шифокор бириктирилади. Улар тиббиёт фанлари докторлари, фан номзодлари ректор ва проректорлар бўлиши мумкин.
Бу тажриба нафақат Зангиота комплексида, балки республиканинг барча ҳудудларидаги коронавирус шифохоналарида татбиқ этилади, яъни даволанаётган ҳар 100 нафар беморга бир нафар нуфузли тиббиёт ходими бириктирилади», деди у.
Бош вазир ўринбосари Зангиота комплексида ҳаво алмашиш тизими тўғри йўлга қўйилгани учун 14 кунлик хизмат давомида бирор тиббиёт ходими коронавирус билан зарарланмаганини маълум қилди.
Шунингдек, махсус комиссия аъзоси жорий йилги Қурбон ҳайити байрамининг карантин чекловларига амал қилган ҳолда нишонланиши лозимлигини таъкидлади.
«Урф-одатларимизга кўра, ҳайит байрамида қариндошларни йўқлаш, турли йиғинлар ўтказиш, маъракалар ўтказиш амаллари бажарилади. Лекин ҳозир бу каби тадбирлардан чекланиб туришни тавсия қилмоқдамиз.
Сабаби, бир томондан карантин кучайтирилиб, давлат халқига ёрдам бериш учун тиббиёт муассасалари ва тиббиёт ходимларини кўпайтираётган бир пайтда касаллар сони кўпайиб кетадиган бўлса, ҳеч қандай тиббиёт муассасаси уларни даволаш имконига эга бўлмай қолади. Шунинг учун ҳам бу йилги Қурбон ҳайитини оилавий нишонлаш тавсия этилмоқда», деди махсус комиссия аъзоси. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Қайси кундалик одатлар иммунитет пасайишига олиб келишини биласизми?
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Эрон президенти жиддий баёнот берди: «Исроилдан ҳеч нарса қолмайди»
Сариқми ёки яшил: қайси турдаги банан фойдалироқ?
Германиянинг Knauf компанияси Россиядан бутунлай чиқиб кетишини тасдиқлади
Тошкентда 02 кодли авторақамлар тахминан қачон пайдо бўлиши айтилди
Германияда мактаб ўқувчилари оммавий равишда ислом динини қабул қилмоқда
