15:00 / 24.12.2020
2 720

Яширин цех фаолиятига чек қўйилди

Яширин цех фаолиятига чек қўйилди
Тошкент вилояти божхона бошқармаси ходимлари томонидан турли найрангларни ишлатиб, ноқонуний даромад илинжида бўлган фуқароларга нисбатан кескин чоралар кўриб келинмоқда.

Жумладан, Контрабандага қарши курашиш ва божхона аудити бўлими ходимлари томонидан, Ўзбекистон Республикаси ДХХ ходимлари ва Бош прокуратура ҳузуридаги Иқтисодий жиноятларга қарши курашиш департаментининг Тошкент вилояти бошқармаси ходимлари билан ҳамкорликда, Тошкент шаҳар, Юнусобод тумани ҳудудида тезкор тадбир ўтказилди.

Тадбир давомида, Тошкент шаҳри Юнусобод туманидаги хонадонларнинг бири холислар иштирокида кўздан кечирилганида, мазкур уйда фуқаро Х.Х. томонидан муқаддам яширин цехларда тайёрланиб олиб келиниб, кейинчалик қадоқлаб қайта сотиш мақсадида тайёрлаб қўйилган, умумий қиймати 294,3 миллион сўмлик, қадоқсиз ҳолдаги 153 кг. таблеткалар, 166 дона қутида 9960 қутида “ZINC+ витамин С” номли дори воситалари, 24 қутида “Магний B6” номли дори воситалари ҳамда 70 000 дона “ZINC+ витамин С” номли этикеткаларини ноқонуний сақлаб келаётганлиги аниқланди.

Ҳозирда юқоридаги ҳолатлар юзасидан божхона органлари томонидан суриштирув ҳаракатлари давом эттирилмоқда.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Жамият » Яширин цех фаолиятига чек қўйилди