23:18 / 09.02.2021
912

Ажримдан сўнг мулкдан улушини сўраган аёлга 69 млн. сўм ундириб берилди

Ажримдан сўнг мулкдан улушини сўраган аёлга 69 млн. сўм ундириб берилди
Мажбурий ижро бюросига суд ҳужжатлари ва бошқа органлар ҳужжатларининг ижросини таъминлаш вазифаси юклатилган. Соҳа ходимлари ўзларига юклатилган вазифаларни бажаришда турли хил мазмундаги ижро ҳужжатларига дуч келиши, табиий. Бюронинг Қарши туман бўлими иш юритувига келиб тушган ана шундай суд ҳужжатларининг бири эса эр-хотин ўртасида биргаликда олинган умумий мулкнинг ажратилган қисмини ундириш ҳақида эди.

Маълум бўлишича, Қарши туманида яшовчи фуқаро Ш.Э. ва М.М. ўртасидаги никоҳ расман бекор бўлган. Шундан сўнг, фуқаролик ишлари бўйича Қарши туманлараро суди 2020 йил 25 ноябрь куни фуқаро М.М.нинг никоҳ даврида орттирилган уй-жойни бўлиш ҳақидаги даъвоси бўйича қўзғатилган фуқаролик ишини кўриб чиқди. Унга кўра қарздор Ш.Э.дан ундирувчи М.М. фойдасига жами 69 млн. 415 минг сўм компенсация ва бошқа ҳаражатларни ундириш белгиланди.

Бўлим ходимлари томонидан ушбу суд ҳужжатининг ижросини ижобий якунланиб, эр-хотин ўртасида олинган умумий мулкнинг бўлинган қисмини даъвогар М.М.га тўлиқ ундириб берилди.

Фаррух Нуралиев
МИБ Қарши туман бўлим давлат ижрочиси
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)