14:56 / 26.02.2021
958

Тошкентда интим хизматлар кўрсатувчи спа-салонлар аниқланди

Тошкентда интим хизматлар кўрсатувчи спа-салонлар аниқланди
Фото: Тошкент шаҳар ИИББ матбуот хизмати
Тошкент шаҳар ИИББ аҳолидан спа-салонлар бўйича келиб тушаётган шикоятлар сони ортгани ҳақида маълум қилди. Унда мазкур муассасаларда фоҳишахоналар мавжудлигидан арз қилинган.

Яккасарой туманида 23—24 февраль кунлари ўтказилган профилактик тадбирлар давомида бир қатор спа-салонлар фаолияти текширилган ва қўшимча хизматлар таклиф қилинаётгани билан боғлиқ фактлар аниқланган.

Фото: Тошкент шаҳар ИИББ матбуот хизмати
Хотин-қизлар масалалари бўйича инспектор майор Муниса Абдураҳмонованинг айтишича, спа-салон очган тадбиркорлар одатда унинг фаолиятида қатнашмасдан, масъулиятни менежерларга юклайди. Натижада масъул шахсда ноқонуний хизматлар ташкил этиш имконияти пайдо бўлади. Салон эгаси учун эса ички ишлар органлари ходимларининг ташрифи кутилмаган янгиликка бўлди.

Фото: Тошкент шаҳар ИИББ матбуот хизмати
Хабарда айтилишича, бундай ҳолатларнинг олдини олиш бўйича спа-салонлар ходимлари ва раҳбарлари билан профилактик суҳбатлар ўтказилмоқда. Тошкент шаҳар ИИББ ходимлари интим характерга эга ноқонуний хизматлар учун маъмурий ва жиноий жавобгарлик кўзда тутилгани ҳақида огоҳлантирмоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Жамият » Тошкентда интим хизматлар кўрсатувчи спа-салонлар аниқланди