Фото: Тошкент вилоят ИИББ
Тошкент вилояти Олмалиқ шаҳридаги Она ва бола монументи устига чиқиб, ножўя ҳаракатлар қилган аёлнинг шахси аниқланди, дея хабар бермоқда вилоят ИИББ.
Маълум қилинишича, 2 май куни соат 22:00 лар атрофида Олмалиқ шаҳрида яшовчи 2002 йилда туғилган Э.С. исмли қиз шаҳар хиёбонида жойлашган Она ва бола монументи устига чиқиб, жамиятда юриш-туриш қоидаларини қасддан менсимасдан, ноўрин хатти-ҳаракат содир қилган ва жараён акс этган видеотасвирларни ижтимоий тармоқларга жойлаштирган.
Мазкур ҳолатда фуқаро Э.С.нинг хатти-ҳаракатларида Маъмурий жавобгарлик тўғрисидаги кодекснинг 183-моддасида кўрсатилган (майда безорилик) ҳуқуқбузарлик мавжудлиги сабабли Олмалиқ шаҳар ИИБ томонидан тегишли ҳужжатлар расмийлаштирилибб қонуний чора кўриш учун тўпланган ҳужжатлар ҳудудий суд органига юборилмоқда.
— Shukhrat (@bankir2102) June 3, 2021
Маълумот учун, Маъмурий жавобгарлик тўғрисидаги кодекснинг 183-моддасига кўра, майда безорилик, жамиятда юриш-туриш қоидаларини қасддан менсимаслик – БҲМнинг 3 бараваридан 5 бараваригача миқдорда жарима солишга ёки 15 суткагача муддатга маъмурий қамоққа олишга сабаб бўлади.
Ctrl
Enter
Хато топдИнгизми
Иборани ажратиб Ctrl+Enter тугмасини босингМавзуга оид янгиликлар
