Кеча, 1 сентябрь куни тунда навбатчилик қисмига 24 ёшли Жаҳонгир Р. мурожаат қилиб, икки нафар нотаниш шахслар келишмовчилик давомида унинг «Матиз» русумли транспорт воситасига зарар етказганлигини маълум қилди, дейилади пойтахт ИИББ хабарида.
Қайд этилишича, воқеа жойига Шайхонтоҳур тумани ИИО ФМБ ходимлари етиб боришган. Ҳайдовчининг сўзларига кўра, у Навоий кўчасидан автомобилида уч нафар йўловчи – 23 ёшли Анвар С., 25 ёшли Шаҳзод Й. ва 22 ёшли Муҳаммаджон Б.лар билан ҳаракатланиб борган. Орқадан ҳаракатланиб келаётган оқ рангли «Матиз»даги шахслар уларни гўёки «ўтказиб юборишмагани» сабабли Жаҳонгир Р.ни тўхташга мажбур қилишган.
Натижада орада жанжал чиқиб, Жаҳонгир Р.нинг автомобилига зарар етказилган. Нотаниш шахслар унинг автомобилининг ойналарини синдириб, эшиклардан бирига зарар етказган ва воқеа жойини тарк этган.
Мазкур ҳолат юзасидан Шайхонтоҳур тумани ИИО ФМБ ходимлари томонидан терговга қадар текширув ўтказилмоқда. Текширув натижаларига кўра қонуний чора кўрилади.
«Ҳурматли ҳамшаҳарлар ва пойтахтимаз меҳмонлари! Баҳсли масалаларни бу тарзда ҳал қилиб бўлмайди. Агар бирор шахс томонидан йўлда сиз учун хавфли вазият туғдирилди деб ҳисобласангиз, ички ишлар органларига мурожаат қилинг. Юқоридаги ҳолатдаги каби хатти-ҳаракатлар билан ўзингиз ҳуқубузарга айланиб қоласиз», дейилади ИИББ хабарида. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
Қозоғистонлик миллиардерлар сув тошқинидан зарар кўрган ҳудудларга маблағ ажратди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Хотирани яхшилашнинг жуда оддий усули топилди
Қондаги шакар миқдорини тартибга солувчи фойдали мева номи айтилди
