Алишер Қодиров мустақил тергов қўмитаси ташкил этиш ва суд ҳокимиятида «қон алмашинуви» қилишга ваъда берди

^{Фото: “Миллий тикланиш” партияси}
Ўзбекистон президентлигига номзод ўз сайловолди дастурида ҳеч кимга бўйсунмайдиган мустақил тергов қўмитаси ташкил этиш ва суд тизимида «қон алмашинуви» қилишини маълум қилди.

«Тизимли ўзгаришлар суд ҳокимиятида адолатни кафолатлаш тизимини яратиш, тизимда «қон алмашинуви» жараёнларини тезлаштириш ҳамда соҳага янги авлод вакилларини жалб этиш орқали амалга оширилади;
мустақил тергов қўмитаси ташкил этилиб, ҳеч кимга бўйсунмайдиган мустақил орган фаолияти йўлга қўйилади. Терговни холис, ҳаққоний, шаффоф ва ҳалол олиб бориш таъминланади;
жазони ижро этиш муассасалари Ички ишлар вазирлигидан Адлия вазирлигига ўтказилади. Жазони ижро этиш муассасаларида жазони ўтаб, озодликка чиққан фуқароларнинг жамиятга тез ва самарали мослашиши учун ҳуқуқий асослар кучайтирилади;
адвокатлик институти ислоҳ қилиниб, жозибали адвокатура тизими шакллантирилади. Соҳага доир қонунчилик асослари такомиллаштирилади. Молиявий имконияти чекланган фуқаролар мурожаат қила оладиган, бунда давлат субсидияларини кўзда тутадиган янги институт ташкил этилади», – дейилади Алишер Қодиров сайловолди дастурида.

Янгиликлар