Тошкентда бензин нархи ошишига бағишланган стрит-арт ўчириб ташланди

^{Фото: Telegram / Inkuzart}
Тошкентдаги «Ўзбекнефтгаз» ёнилғи қуйиш станцияси яқинида бензин нархининг ошишига бағишланган стрит-арт пайдо бўлди. @inkuzart тахаллуси билан ижод қилаётган кўча рассоми Абдураҳмон 19 ноябрь куни ўзининг Instagram’даги саҳифасига суратнинг пайдо бўлиши тасвирланган видеони жойлаштирган.

Тасвир Учтепа туманида Катта Қаъни кўчасидаги уйлардан бирининг деворига чизилган. Унда дўппи кийган эркак ёнилғи қуйиш пистолети ёрдамида бошига «отаётгани» тасвирланган. Орадан бир неча соат ўтгач, интернетда мазкур стрит-арт бўяб ташлангани тасвирланган сурат пайдо бўлди.

^{Фото: Telegram / Trolluz}
«Gazeta.uz»нинг қайд этишича, ижтимоий тармоқ фойдаланувчилари мазкур ижод ишини олдинроқ Сеул (Жанубий Корея)даги кўчаларнинг бирида чизилган стрит-артга ўхшатган.

^{Фото: Street-art-avenue}
Еслатиб ўтамиз, сентябрь бошида @inkuzart Ўзбекистон автомобиль бозоридаги монополияга бағишланган стрит-арт чизганди. Унда машина учун узун навбат ва навбат бошида қизил шапкали инсон тасвирланганди. Кейинроқ ушбу тасвир тўлиқ ўчириб ташланган, пойтахт ҳокимлиги ва «Ўзавтосаноат» бу ишга алоқаси йўқлигини маълум қилган эди. “Замин” янгиликларини “Инстаграм”да кузатиб боринг