Тошкентда Халқаро ёга кунига бағишланган фестивал ўтказилади
Тошкент шаҳридаги Сентрал Парк боғида 21 июн куни Халқаро ёга кунига бағишланган йирик фестивал бўлиб ўтади. Турли ёшдагилар учун мўлжалланган тадбирда бошловчилар ҳам, тажрибали қатнашчилар ҳам қатнаша олади. Дастурдан махсус меҳмон Анна Весна иштирокидаги хата-ёга, очиқ ҳавода медитация, маҳорат дарслари ва ярмарка ўрин олган. Фестивалда қатнашиш бепул бўлиб, бунинг учун олдиндан рўйхатдан ўтиш талаб етилади.
21 июн куни Тошкент шаҳридаги Централ Парк боғида Халқаро ёга кунига бағишланган йирик фестивал бўлиб ўтади.
Тадбир турли ёшдаги иштирокчилар учун мўлжалланган бўлиб, унда ёга билан янги шуғулланувчилар ҳам, тажрибали қатнашчилар ҳам иштирок этиши мумкин.
Фестивал дастуридан махсус меҳмон — ўқитувчи ва файласуф Анна Весна иштирокида анъанавий хата-ёга машғулоти ўрин олган.
Шунингдек, иштирокчилар учун умумий ёга-протоколи машғулотлари, очиқ ҳавода медитация ва болалар учун махсус ёга дастурлари ташкил этилади.
Тадбир доирасида турли мавзуларга бағишланган маҳорат дарслари ҳамда ярмарка ўтказилиши режалаштирилган.
Ташкилотчиларнинг маълум қилишича, фестивалда қатнашиш бепул.
Тадбирга ташриф буюриш учун олдиндан рўйхатдан ўтиш талаб этилади.
Изоҳлар 0
…