20 йилга кечиккан бахт: Женнифер Лопес ва Бен Аффлек нима учун ажрашиб кетган эди?

Куни кеча “Айтилмаган энг буюк севги тарихи” ҳужжатли фильм премьераси бўлиб ўтди. Унда актёрлар Бен Аффлек ва Женнифер Лопес шахсий ҳаёти ҳақида сўз борди. Голливуд жуфтлиги нима сабабдан 2003 йилда тўйга уч кун қолганда ажрашиб кетгани ҳақида айтиб берди. Бу ҳақда Peopletalk нашри хабар берди.

^{Фото: Peopletalk}
“Бен билан тўйга уч кун қолганда баҳслашиб қолдик. Тўйимиз катта ва ҳашаматли бўлиши режалаштирилган эди. Бироқ тўй маросими деярли 20 йилга “ортга сурилган экан”. Тайёргарликлар, атрофдагиларнинг босими ва шахсий ҳаётимизга ортиқча эътиборлар кўпайгани ажрашишимизга сабаб бўлди”, — деди Женнифер.

^{Фото: Peopletalk}
Актриса бу даврни бошидан ўтказиш оғир кечганини тан олди:
“20 йил вақт мен учун қийин давр бўлди, чунки ўзимни нафақат бутун умрлик муҳаббатим, балки энг яқин дўстимдан айрилгандек ҳис қилдим. Бу ҳақда кўп йиллар давомида сукут сақладим”, — деб қўшимча қилди актриса.

^{Женнифер Лопес ва Бен Аффлек 2002 йилда
Фото: Элика}
Маълумот учун, Бен Аффлек ва Женнифер Лопес 2001 йилда танишган ва учрашувдан кўп ўтмай актёр Лопесга турмуш қуришни таклиф қилган. Тўй 2003 йилда бўлиб ўтиши режалаштирилган эди, аммо маросимга бир неча кун қолганда тўй бекор қилинди. Орадан роппа-роса 20 йил ўтгач, улар муносабатларини тиклади ва бир неча ойдан сўнг яширинча никоҳ қурди.​ “Замин” янгиликларини “Инстаграм”да кузатиб боринг