Роналду энди актёрми? Футбол юлдузи кино оламига ҳам қадам ташлади!

Дунё футболи юлдузи, голлар машинаси, брендларга юз — Криштиану Роналду энди экранларда ҳам ўзини синаб кўрмоқчи. Аммо бу сафар футбол майдонида эмас, балки кинематография оламида!

Роналду ва режиссёр Вондан кино оламига катта лойиҳа

Mashhur Variety нашрининг ёзишича, Криштиану Роналду машҳур британ режиссёри ва продюсери Мэттью Вон билан бирга янги киностудия ташкил этди. У “UR•Marv” деб номланади ва кино яратишда анъанавий ва инновацион усулларни уйғунлаштиришни мақсад қилган.

Таъкидланишича, студия аллақачон иккита жангари фильм суратга олишни якунлаб бўлган. Бу эса Роналдунинг кино бизнесига жиддий қадам қўяётганини кўрсатади.

Мэттью Вон ким?

Агар бу ном сизга таниш туюлса, ажаб эмас — айнан шу инсон "Х-Мен: Ўтмиш кунлари келгуси", "Юлдуз чанги" ва бошқа блокбастерлар орқали миллионлаб томошабинлар қалбини забт этган.

Роналду мультфильм ва ўйинларда ҳам чиқмоқда

Кино лойиҳалардан ташқари, Роналду яқинда Fatal Fury: City of the Wolves номли жанговор ўйинида ўз персонажига ҳам эга бўлди. Энди уни нафақат майдонда, балки ўйинлар ва экранларда ҳам кўришингиз мумкин!

Роналду фақат футболчи эмас!

Криштиану Роналду нафақат спортда, балки медиа ва кино индустриясида ҳам ўз ўрнини топмоқда. Мухлислар учун бу яна бир қизиқ соҳада ўз кумирини кузатиш имконияти бўлади. Балки тез орада уни актёрлик маҳоратда ҳам кўрармиз? «Замин»ни Telegram’да ўқинг!