2025 йил кино ихлосмандлари учун сермаҳсул бўлиши кутилмоқда. Машҳур Variety нашри томошабинлар сабрсизлик билан кутаётган бир нечта йирик премераларни санаб ўтди. Мана улар:
“Пайшанба қотиллик клуби” (28 август, Нетфлих)
Ричард Усмон романига асосланган фильмда қариялар уйида яшовчи бир гуруҳ дўстлар вақтини жиноят сирлари устида бош қотириб ўтказади. Аммо воқеалар кутилмаган тарзда ривожланиб, улар чинакам жиноят ичига тортилади. Премера санаси — 28 август.
“Атиргуллар” (29 август)
Бенедикт Камбербетч ва Оливия Колман иштирокидаги фильм машҳур “Атиргуллар уруши” романидан олинган. Жей Роуч режиссёрлигидаги ушбу комедия муваффақиятли мартабага эга бўлган эр-хотиннинг ҳаёти бирдан таназзулга юз тутишини ҳикоя қилади. Яқин инсонлар ўртасидаги муносабатлар синови марказда туради.
“Йўқолган автобус” (19 сентябрь)
Метю Макрона ва Америка Феррера бош рол ижро этган триллерда мактаб автобуси ҳайдовчиси ва ўқитувчиси ўқувчиларни ўрмон ёнғинидан қутқаришга уринади. Фильмда ҳаёт-мамот кураши драматик тарзда тасвирланади.
“Бир вақтнинг ўзида битта жанг” (26 сентябрь)
Пол Томас Андерсон сценарийси асосида суратга олинган фильм собиқ инқилобчилар гуруҳининг қизи атрофидаги воқеалар билан боғлиқ бўлган хавфли курашини ҳикоя қилади. Асарда Леонардо Ди Каприо, Шон Пенн, Алана Хаим ва бошқа машҳур актёрлар қатнашган. Бу асар йилдаги энг муҳим лойиҳалардан бири сифатида қаралмоқда.
«Замин»ни Telegram’да ўқинг!
